Charter Document - 06480165
| Charter Number: | 06480165 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1317 |
| Date type: | Internal, A.D., Calendar |
| Resource Link(s): |
Durham Cathedral Archive - Register II (f57v) |
Charter:
Ludovicus permissione Divina electus Dunolmensis confirmatus dilectis filiis Priori et Conventui ecclesie nostre Dunolmensis salutem in Auctore salutis Cum excellentissimus princeps et dominus noster dominus E Dei gratia rex Anglie illustris in eundo versus partes Boreales super expeditione guerre sue de Scotia ut nobis scripserat jam existit ad ipsius rogatum devotioni vestre committimus et firmiter injungendo mandamus quatenus tam religiosis quam etiam aliis ecclesiarum videlicet rectoribus vicariis et capellanis parochialibus curetis dare firmiter in mandatis ut sextis saltem feriis congregato populo necnon diebus Dominicis sollemnibus et festivis in processionibus quas fieri volumus in hac parte necnon et missarum sollemniis ac aliis horis debitis pro ipso domino rege et euntibus in dicto negotio cum eodem apud Altissimum devotissime intercedant ut idem Deus et Dominus noster dextera Sui auxilii eundem dominum regem et suos protegat et defendat sibique conceptum jam propositum ad optatum concedat perducere effectum ut exinde honor Dei et ipsius domini regis proveniat ecclesie tutamen et regni tranquillitas amplius procuretur Et quid in premissis feceritis nobis citra festum Sancti Michaelis cum tenore presentium rescribatis Bene valete Data apud Clyffton xviij die mensis Augusti anno gratie MCCC septimo decimo