Charter Document - 06480164

Guillelmus de Balaeto Forojuliensis archidiaconus sedis Apostolica in Anglia nuntius viris venerabilibus et discretis Decano et Capitulo ecclesia Ebor sede vacante salutem et paratam ad eorum beneplacita voluntatem Cum bone memorie dominus Antonius quondam Dunolmensis episcopus ac patriarcha Jerosolomitanus receperit mille marcas sterlingorum legatas per nobilem virum dominum Johannem de Vescy militem quondam relictas subsidio Terre Sancte item in suo testamento legaverit mille marcas sterlingorum subsidio Terre Sancte et ex alia parte teneretur in quatuor millibus marcarum et ultra pro his que sibi assignata erant per sedem Apostolicam pro dicte Terre Sancte subsidio et de predictis non fuerit ecclesie Romane in aliquo satisfactum post cujus decessum dominus Ricardus immediate ejus successor bona dicti Antonii recepit in maxima quantitate nos indemnitati dicta terre ac Romana ecclesie ex commisso nobis officio precavere volentes bona omnia prefati domini Ricardi quondam auctoritate Apostolica duximus sequestranda vobis in virtute obedientie qua sedi Apostolice tenemini tenore presentium injungentes quatenus omnia bona predicta domini Ricardi quondam que in Ebor dioecesi poterunt inveniri nomine nostro ac Romane ecclesie sequestrari realiter faciatis ac sub fideli sequestro teneri donec nobis de valore bonorum dicti domini Antonii per dictum dominum Ricardum quondam perceptorum usque ad summas supradictas nomine quo supra fuerit satisfactum facientes fieri inventarium de bonis predictis sequestrum predictum per nos fuisse interpositum predictis executoribus nuntiantes seu nuntiari facientes Quicquid autem feceritis in premissis nos per vestras literas harum seriem continentes infra quintanam instantis festi Pentecostes certificare curetis dictum inventarium de bonis predictis per vos factum nobis London in domo decani Sancti Pauli quam inhabitamus exhibentes Data London ix die Maii anno Domini MCCCXVIJ