Charter Document - 06480162
| Charter Number: | 06480162 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1316 |
| Date type: | Internal, A.D., Calendar, Episcopal |
| Resource Link(s): |
Embedded Document |
Charter:
Noverint universi presentes literas inspecturi quod nos Johannes miseratione Divina Karliolensis episcopus literas bone memorie domini Radulphi episcopi predecessoris nostri non cancellatas non abolitas nec in aliqua sui parte vitiatas sigillo ejusdem munitas super concessione et appropriatione ecclesie parochialis de Adingham nostre dioeceseos dilectis filiis nostris Priori et Conventui ecclesie nostre cathedralis Beate Marie Karleolensis factis vidimus et intelleximus tenorem qui sequitur continentes [] Nos itaque concessionem et appropriationem supradictas pias et Deo acceptas ac causas in eisdem insertas rationabiles fore propensius attendentes considerantes etiam quod ecclesia nostra Karliolensis predicta quam dicti Prior et Conventus toto tempore suo et predecessorum suorum non sine gravibus laboribus et expensis sollemnem et celebrem extruxerant per incendium repentinum in civitate Karleolensi ortum una cum domibus suis et habitationibus ac ornamentis ipsius ecclesie destructa fuit et est miserabiliter combusta quodque mota guerra Scotorum Scoti ipsi dictam dioecesin nostram Karleolensem in Marchia Anglie eis confinem hostiliter invadentes terras et possessiones suas vastarunt et depredarent homines et colonos suos interfecerunt et cetera bona sua mobilia et immobilia usque ad muros civitatis predicte pluries combusserunt et lacrymabiliter destruxerunt aliasque multipliciter oppressi sunt et afflicti religiosi predicti per collectas exactiones et alia onera in Marchia ubi degunt quotidie emergentia ac per concursum et confluentiam populi ad eos pro exercitibus conciliis et aliis tractatibus suis ordinandis et habendis propter defectum aliorum locorum insignium in dicta dioecesi multimode confluentes ita quod nisi eis aliunde caritatis subsidia porrigantur sufficere non poterunt ad onera supradicta habito super premissis cum concilio et clero nostro tractatu diligenti et sollemni compertoque quod evidens necessitas et utilitas concessionem et appropriationem suadet supradictas ipsas ratas et gratas habemus et pro nobis et successoribus nostris approbamus et specialiter acceptamus et dictam ecclesiam [] Priori et Conventui et ecclesie Beate Marie antedictis cedente vel decedente magistro Willelmo de Beverlaco ipsius nunc rectore possessionem ejusdem auctoritate nostra libere ingredi valeant assensu nostro et successorum nostrorum seu aliorum cujuscunque sint conditionis minime requisito in usus suos proprios in forma concessionis eis a predecessore nostro ut premittitur facte per omnia pro fabrica ecclesie nostre Karleolensis predicte et in subsidium et relevationem onerum predictorum regio assensu interveniente appropriamus conferimus et concedimus per presentes salva vicaria in eadem quam taxamus ad viginti marcas In cujus rei testimonium sigillum nostrum presentibus duximus apponendum Data apud Horncastere xj kalendas Februarii anno Domini MCCC quinto decimo et pontificatus nostri vicesimo quarto
Markups
Names Markup:
Noverint universi presentes literas inspecturi quod nos Johannes miseratione Divina Karliolensis episcopus literas bone memorie domini Radulphi episcopi predecessoris nostri non cancellatas non abolitas nec in aliqua sui parte vitiatas sigillo ejusdem munitas super concessione et appropriatione ecclesie parochialis de Adingham nostre dioeceseos dilectis filiis nostris Priori et Conventui ecclesie nostre cathedralis Beate Marie Karleolensis factis vidimus et intelleximus tenorem qui sequitur continentes []embed Nos itaque concessionem et appropriationem supradictas pias et Deo acceptas ac causas in eisdem insertas rationabiles fore propensius attendentes considerantes etiam quod ecclesia nostra Karliolensis predicta quam dicti Prior et Conventus toto tempore suo et predecessorum suorum non sine gravibus laboribus et expensis sollemnem et celebrem extruxerant per incendium repentinum in civitate Karleolensi ortum una cum domibus suis et habitationibus ac ornamentis ipsius ecclesie destructa fuit et est miserabiliter combusta quodque mota guerra Scotorum Scoti ipsi dictam dioecesin nostram Karleolensem in Marchia Anglie eis confinem hostiliter invadentes terras et possessiones suas vastarunt et depredarent homines et colonos suos interfecerunt et cetera bona sua mobilia et immobilia usque ad muros civitatis predicte pluries combusserunt et lacrymabiliter destruxerunt aliasque multipliciter oppressi sunt et afflicti religiosi predicti per collectas exactiones et alia onera in Marchia ubi degunt quotidie emergentia ac per concursum et confluentiam populi ad eos pro exercitibus conciliis et aliis tractatibus suis ordinandis et habendis propter defectum aliorum locorum insignium in dicta dioecesi multimode confluentes ita quod nisi eis aliunde caritatis subsidia porrigantur sufficere non poterunt ad onera supradicta habito super premissis cum concilio et clero nostro tractatu diligenti et sollemni compertoque quod evidens necessitas et utilitas concessionem et appropriationem suadet supradictas ipsas ratas et gratas habemus et pro nobis et successoribus nostris approbamus et specialiter acceptamus et dictam ecclesiam [] Priori et Conventui et ecclesie Beate Marie antedictis cedente vel decedente magistro Willelmo de Beverlaco ipsius nunc rectore possessionem ejusdem auctoritate nostra libere ingredi valeant assensu nostro et successorum nostrorum seu aliorum cujuscunque sint conditionis minime requisito in usus suos proprios in forma concessionis eis a predecessore nostro ut premittitur facte per omnia pro fabrica ecclesie nostre Karleolensis predicte et in subsidium et relevationem onerum predictorum regio assensu interveniente appropriamus conferimus et concedimus per presentes salva vicaria in eadem quam taxamus ad viginti marcas In cujus rei testimonium sigillum nostrum presentibus duximus apponendum Data apud Horncastere xj kalendas Februarii anno Domini MCCC quinto decimo et pontificatus nostri vicesimo quarto