Charter Document - 06480151
| Charter Number: | 06480151 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1314 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 8 Part 2 (f20r) |
Charter:
Willelmus [] dilectis filiis [] capitulo ecclesie nostre Beverlacensis salutem gratiam et benedictionem Nuper ecclesiam nostram predictam jure ordinario visitantes inter alia comperimus quod dilectus filius dominus Johannes de Dunyngton canonicus ecclesie memorate altare lapideum ad caput tumbe Sancti Johannis nostro ac vestro irrequisito consensu quasi proprio motu erexit per cujus erectionem accessus ad I tumbam predictam per ejusdem altaris erectionem frequentius impeditur Et nos ipsi dicto die tempore visitationis nostre ad accedendum more solito ad tumbam predictam per ejusdem altaris erectionem fuimus impediti et nihilominus ejusdem altaris erectio in loco predicto non est decens neque complacens aspectui concurrentium fidelium prout fama didicimus referente Quocirca vobis mandamus in virtute obedientia firmiter injungentes quatenus receptis presentibus altare predictum faciatis totaliter amoveri non permittentes de cetero per prefatum dominum Johannem seu quem vis alium altare ibidem erigi aut obstaculum vel impedimentum quodlibet interponi quominus Christi fideles ad ipsam ecclesiam confluentes ad tumbam predictam libere accedere valeant ut solebant Si vero dictus Johannes altare in ecclesia nostra prout tam a nobis quam a vobis licentiam petiit et obtinuit causa devotionis erigere voluerit ad Divini cultus augmentum locum honestum et sufficientem ac decentem pro hujus erectione altaris sibi cum per eum requisiti fueritis assignetis Valete Data apud Cawod viij idus Decembris anno gratie MCCC quartodecimo et pontificatus nostri nono