Charter Document - 06480148
| Charter Number: | 06480148 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Recitation |
| Date: | 1314 |
| Date type: | Assigned |
| Resource Link(s): |
Borthwick Institute - Register 8 Part 2 (f103r) |
Charter:
Venerabili in Christo patri domino W[illelmus] Dei gratia Ebor archiepiscopo Anglie primati Ricardus permissione Divina Dunelmensis episcopus salutem cum debitis et devotis obedientia reverentia et honore Paternitatis vestre literas sexto nonas Octobris recepimus continentie subsequentis [] Et licet extra nostram dioecesin hujusmodi mandatum ut credimus admittere vel exequi minime teneremur ad vestre tamen requisitionis instantiam et quorundam procerum et magnatum rogatum qui in presentia domini nostri regis nos super hoc requisiverunt instanter ad manerium Abbatis de Bellalanda in Clyfton juxta Ebor ubi dicta Matilda hospitabatur et tunc et ante ut vulgariter dicebatur et communiter moram traxit eodem die personaliter accedentes a domino Alexandro de Mountfort milite et Roberto de Reppes domicello familiaribus nobilis viri [] comitis de Warrenna tunc in aula ejusdem manerii presentibus petivimus instanter ut ad prefatam Matill nobis pateret accessus Cumque diutius exspectantes minime potuissemus ipsius presentiam obtinere edictum vestrum citatorium eisdem militi et domicilia magistris Andrea de Tange et Ricardo de Ganio notariis publicis ac multis aliis assistentibus ostendentes juxta vim et effectum ipsius ipsam Matildem quantum potuimus ad predictos diem et locum citavimus in presentia eorundem prefatis militi et domicilia edicti citatoria copiam offerentes quam expresse coram multis admittere recusarunt Sancte paternitati vestre dies multos salutis et gaudii multiplicet pietas Salvatoris Data apud Eboracum v nonas Octobris anno Domini supradicto