Charter Document - 06480140
| Charter Number: | 06480140 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1314 |
| Date type: | Assigned |
| Resource Link(s): |
|
Charter:
Rex Majori et Ballivis suis Novi Castri super Tynam salutem Ex insinuatione venerabilis patris J[ohannes] Karliolensis episcopi accepimus quod licet ipse et predecessores sui ejusdem loci episcopi quasdam domos in solo eorundem extra portam borialem ejusdem ville constructas pro hospitio eorundem cum eos ibidem declinare contingeret habuerint et tenuerint temporibus retroactis vos nihilominus ratione constructionis muri et reparationis fossatorum dicte ville domos predictas contra voluntatem dicti episcopi et absque aliqua satisfactione sibi inde facienda prosterni et totaliter amoveri fecistis in ipsius episcopi damnum non modicum et ecclesie sue Karliolensis exheredationem manifestam et quia non est consonum rationi quod per hujusmodi constructiones vel reparationes aliquibus taliter preiudicetur quin ipsis de damnis eis ea occasione collatis prout justum fuerit satis fiat vobis mandamus quod eidem episcopo de solo et domibus suis predictis debito modo satis fieri faciatis ne querela ad nos inde proveniat iterata Teste []