Charter Document - 06480132
| Charter Number: | 06480132 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1312 |
| Date type: | Assigned |
| Resource Link(s): |
Borthwick Institute - Register 8 Part 1 (f324v) |
Charter:
Ad petitionem domini nostri regis per vos venerabilis pater domine W[illelmus] Dei gratia Ebor archiepiscope Anglie primas clero vestro Ebor dioeceseos et provincie nuper expositam respondet idem clerus quod cum ipsa petitio contra formam Constitutionis que tam recipientes quam promittentes et solventes Apostolice sedis licentia non obtenta sententia excommunicationis majoris involvit a qua nequeunt per alium quam per summum pontificem absolvi fieri videatur idemque clerus per solutionem decime triennalis adhuc durantis ac are regiorum sex annalis dudum pro Terre Sancte subsidio imposite necnon medietatis et quinte bonorum ecclesiasticorum ac diversarum personarum procurationum multiplicium nuntiorum sedis Apostolice et per captiones rerum suarum ac varias exactiones ab eis diversimode factas et oppressiones diversas in tantum depauperentur bonaque eorum adeo sint exhausta quod eorum substantie ad sustentationem Divini cultus in ecclesia Dei vix sufficiunt his diebus et ad hec nihilominus communiter referatur quod nova contributio jam conceditur et eis imponetur in proximo persolvenda petitioni regia predicta nequeunt ad presens sicut nec sufficiunt quomodo libet assentire Verum si eis foret possibile sicut non est de quo tedet eosdem dictis necessitatibus id causantibus libenter concederent subsidium regi suo et uberiori fortuna ac sedis Apostolice licentia concurrentibus habitoque in communi parliamento cleri et regni Anglie super hoc consilio et tractatu quatenus communi judicio ad laudem Dei fore videbitur faciendum parati erunt domino regi liberaliter in posterum subvenire