Charter Document - 06480121
| Charter Number: | 06480121 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1309 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 7 (f300v) |
Charter:
Venerabili in Christo patri domino Waltero Dei gratia Wygorniensi episcopo domini nostri illustris regis Anglie thesaurario ac discretis viris dominis baronibus de scaccario ejusdem domini nostri regis Willelmus permissione Divina Eboracensis archiepiscopus Anglie primas salutem in omnium Salvatore Ad faciendum pro nobis finem coram vobis de servitio quod pro quinque feodis militum eidem domino nostro regi facere tenemur a villa de Novo Castro contra Scotos inimicos suos et regni sui die Lune in instanti festo Sancti Michaelis in terram Scotie profecturo prout in ejusdem domini nostri regis literis nobis super hoc directis plenius continetur dilectos nobis in Christo Nicholaum de Molendinis clericum et Johannem Dymmok nostros speciales ordinamus facimus et constituimus attornatos dantes eisdem et eorum alteri specialem tenore presentium potestatem coram vobis finem de predicto servitio nostro nomine faciendi ac pro nobis consentiendi his que in hac parte viderint necessaria fore vel etiam opportuna ratum habituri et firmum quicquid iidem Nicholaus et Johannes vel eorum alter nostro nomine fecerint aut fecerit in premissis Ita tamen quod si predictum dominum nostrum regem in terra Scotie hac vice ut premissum est ex quacunque causa non contigerit proficisci finis quem dicti Nicholaus et Johannes vel eorum alter fecerint aut fecerit in hac parte pro non facto penitus habeatur nosque ad solutionem ipsius minime teneamur In cujus rei testimonium sigillum nostrum presentibus est appensum Data apud Cawod viij die Septembris anno gratie millesimo trecentesimo nono et pontificatus nostri quarto