Charter Document - 06480112
| Charter Number: | 06480112 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1306 |
| Date type: | Internal, A.D., Calendar |
| Resource Link(s): |
Borthwick Institute - Register 7 (f45v) |
Charter:
Sanctissimo in Christo patri et domino suo reverendissimo domino Clementi Divina providentia sacrosancte Romane ac universalis ecclesie summo pontifici sua creatura humilis et devota Willelmus Eadem permissione Eboracensis archiepiscopus Anglie primas cum subjectione omnimoda pedum oscula beatorum Literas vestras ix kalendas Septembris anno gratie millesimo CCC sexto apud Scroby cum debitis reverentia et devotione recepi tenorem qui sequitur continentes [] Quarum auctoritate literarum quas per totam civitatem et dioecesin meam tam in ecclesiis parochialibus et capellis quam in ecclesiis collegiatis et conventualibus exemptis et non exemptis feci sollemniter publicari totum clerum meum motivis exhortationibus quantum potui efficaciter induxi presbyteros videlicet ad missas pro salubri statu vestro specialiter celebrandas alias vero ecclesiasticas personas ad Psalteria decantanda ceteros vero de clero et populo ad alias orationes pro vobis apud Altissimum effundendas Et comperi quod ad viginti duo millia quingentas et iij annuatim missarum numerus se extendit Psalteriorum ad circiter viginti millia Sed de aliis orationum suffragiis quorum non est numerus vestram Sanctitatem ad presens reddere non valeo certiorem quam ad exaltationem universalis ecclesie conservet Altissimus per tempora feliciter successiva Data apud Wilton xiij kalendas Novembris anno gratie millesimo trecentesimo sexto
Markups
Names Markup:
Sanctissimo in Christo patri et domino suo reverendissimo domino Clementi Divina providentia sacrosancte Romane ac universalis ecclesie summo pontifici sua creatura humilis et devota Willelmus Eadem permissione Eboracensis archiepiscopus Anglie primas cum subjectione omnimoda pedum oscula beatorum Literas vestras ix kalendas Septembris anno gratie millesimo CCC sexto apud Scroby cum debitis reverentia et devotione recepi tenorem qui sequitur continentes []embed Quarum auctoritate literarum quas per totam civitatem et dioecesin meam tam in ecclesiis parochialibus et capellis quam in ecclesiis collegiatis et conventualibus exemptis et non exemptis feci sollemniter publicari totum clerum meum motivis exhortationibus quantum potui efficaciter induxi presbyteros videlicet ad missas pro salubri statu vestro specialiter celebrandas alias vero ecclesiasticas personas ad Psalteria decantanda ceteros vero de clero et populo ad alias orationes pro vobis apud Altissimum effundendas Et comperi quod ad viginti duo millia quingentas et iij annuatim missarum numerus se extendit Psalteriorum ad circiter viginti millia Sed de aliis orationum suffragiis quorum non est numerus vestram Sanctitatem ad presens reddere non valeo certiorem quam ad exaltationem universalis ecclesie conservet Altissimus per tempora feliciter successiva Data apud Wilton xiij kalendas Novembris anno gratie millesimo trecentesimo sexto