Charter Document - 06480111
| Charter Number: | 06480111 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1306 |
| Date type: | Internal, A.D., Calendar |
| Resource Link(s): |
Borthwick Institute - Register 7 (f329v) |
Charter:
Sanctissimo in Christo patri et domino suo reverendissimo domino Clementi Divina providentia sacrosancte Romane ac universalis ecclesie summo pontifici sui sacerdotes humiles et devoti Eadem permissione Willelmus Eboracensis archiepiscopus Anglie primas et Robertus Eliensis episcopus cum subjectione omnimoda pedum oscula beatorum Beatitudinis vestre literas cum debita reverentia nuper recepimus tenorem qui sequitur continentes [] Nos itaque tanquam devoti obedientie filii volentes hujusmodi mandatum Apostolicum exequi reverenter ad burgum de Novo Castro super Tynam Dunolmensis dioeceseos in ecclesia Fratrum Predicatorum loci ejusdem die Jovis proximo post festum Sancti Michaelis anno gratie MCCC sexto decrevimus personaliter convenire Ad quos diem et locum fidedignas opinione vulgari personas venire fecimus coram nobis per quas multorum judicio supradicti negotii veritas melius sciri poterit et inquiri quasdam de dicta abbatie de Scona et quasdam de partibus eidem abbatie circumjacentibus et vicinis videlicet dominos Symonem de Ughreton priorem de Scona Thomam de Bolmorynagh nuper abbatem ejusdem Alexandrum de Strivelyn et Thomam de Strivelyn canonicos de eadem fratres Andream de Lenna nuper abbatem de Lundors Walterum de Dunde precentorem de Coupre et Adam ministrum domus pontis Berewici dominos Willelmum de Morthyngton de Frethemoth Johannem de Pebles de Sancto Madoco ecclesiarum rectores Robertum de Perth et Waldevum de Dron ecclesiarum vicarios ac magistrum Robertum de Garnald notarium publicum et ad inquirendum super omnibus et singulis articulis a vestra beatitudine in dicto negotio nobis commissis ipsiusque circumstantiis processimus diligenter Unde supradictis personis omnibus et singulis juratis et diligentius et singillatim examinatis super omnibus articulis et circumstantiis memoratis eorundem testium facte inquisitionis hujusmodi attestationes seriatim et fideliter in scriptis redactas sub nostris sigillis inclusas vestre transmittimus sanctitati quam ad exaltationem universalis ecclesie in dierum longitudine conservet Altissimus per tempora feliciter successiva Data apud Novum Castrum super Tynam viij idus Octobris anno gratie supradicto
Markups
Names Markup:
Sanctissimo in Christo patri et domino suo reverendissimo domino Clementi Divina providentia sacrosancte Romane ac universalis ecclesie summo pontifici sui sacerdotes humiles et devoti Eadem permissione Willelmus Eboracensis archiepiscopus Anglie primas et Robertus Eliensis episcopus cum subjectione omnimoda pedum oscula beatorum Beatitudinis vestre literas cum debita reverentia nuper recepimus tenorem qui sequitur continentes []embed Nos itaque tanquam devoti obedientie filii volentes hujusmodi mandatum Apostolicum exequi reverenter ad burgum de Novo Castro super Tynam Dunolmensis dioeceseos in ecclesia Fratrum Predicatorum loci ejusdem die Jovis proximo post festum Sancti Michaelis anno gratie MCCC sexto decrevimus personaliter convenire Ad quos diem et locum fidedignas opinione vulgari personas venire fecimus coram nobis per quas multorum judicio supradicti negotii veritas melius sciri poterit et inquiri quasdam de dicta abbatie de Scona et quasdam de partibus eidem abbatie circumjacentibus et vicinis videlicet dominos Symonem de Ughreton priorem de Scona Thomam de Bolmorynagh nuper abbatem ejusdem Alexandrum de Strivelyn et Thomam de Strivelyn canonicos de eadem fratres Andream de Lenna nuper abbatem de Lundors Walterum de Dunde precentorem de Coupre et Adam ministrum domus pontis Berewici dominos Willelmum de Morthyngton de Frethemoth Johannem de Pebles de Sancto Madoco ecclesiarum rectores Robertum de Perth et Waldevum de Dron ecclesiarum vicarios ac magistrum Robertum de Garnald notarium publicum et ad inquirendum super omnibus et singulis articulis a vestra beatitudine in dicto negotio nobis commissis ipsiusque circumstantiis processimus diligenter Unde supradictis personis omnibus et singulis juratis et diligentius et singillatim examinatis super omnibus articulis et circumstantiis memoratis eorundem testium facte inquisitionis hujusmodi attestationes seriatim et fideliter in scriptis redactas sub nostris sigillis inclusas vestre transmittimus sanctitati quam ad exaltationem universalis ecclesie in dierum longitudine conservet Altissimus per tempora feliciter successiva Data apud Novum Castrum super Tynam viij idus Octobris anno gratie supradicto