Charter Document - 06480107
| Charter Number: | 06480107 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1304 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 6 (f325r) |
Charter:
Universis sancte matris ecclesie filiis [] Thomas Dei gratia [] Pie considerationis intuitus quem compassionabiliter dirigimus ad clare memorie Edmundum quondam comitem Cornubie qui dum viveret gratiosus ecclesie nostre Eboracensis semper extitit et devotus mentem nostram allicit et inducit ut qui nobis aliorum suffragia pie impendi cupimus in futuro ad impetrandum anime ipsius et aliis in fide Christi defunctis remedia ut a peccatorum nexibus liberentur mentes fidelium per allectiva indulgentiarum munera excitemus Volentes igitur anime tanti viri propter devotionis sue merita et zelum dilectionis interne quem ad dictam ecclesiam nostram habuisse dinoscitur salubriter subvenire universitatem vestram requirimus monemus et in Domino exhortamur quatenus pro anima dicti comitis in singulis ecclesiis vestris tam cathedralibus et collegiatis exemptis et non exemptis quam aliis parochialibus nostre civitatis dioeceseos et provincie faciatis Deo offerri precum libamina devotarum et eam cum devotione qua convenit per orationum suffragia opportuna Divine misericordie specialiter commendari vestros parochianos inducentes sollicitis exhortationibus et monitionibus allectivis Nos vero de Dei Omnipotentis misericordia [] qui pro anima memorati comitis et animabus omnium fidelium defunctorum devote oraverint xl dies [] In cujus rei [] Data apud Lanum v kalendas Septembris anno gratie MCCC quarto et pontificatus nostri quinto