Charter Document - 06480106
| Charter Number: | 06480106 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1304 |
| Date type: | Internal, Calendar, Episcopal |
| Resource Link(s): |
Borthwick Institute - Register 6 (f289r) |
Charter:
Thomas Dei gratia [] dilecto in Christo filio amico suo precordialissimos magistro Willelmo de Grenefeld domini nostri regis Anglie cancellario et canonico ecclesie nostre Eboracensis salutem cum benedictione et gratia Jhesu Christi Audivimus jam de novo quod quedam litera regia nobis dirigenda sub certo tenore pro Aymone de Carto preposito Beverlacensi ad excitationem et suggestionem dicti Aymonis concepta fuerat et formata Cujus tenorem dominus noster rex Anglie illustris vobis remisit literis suis quas pro dicto Aymone direxit inclusum inter cetera per easdem literas vobis mandans quod literam predictam sibi faceretis sub magno ipsius domini regis sigillo signari si hoc posset fieri bono modo et si inventum fuerit quod ante hec tempora litera talis de cancellaria transivit et si posset transire de jure et absque injuria cujuscunque Et quia factum super quo dicta forma concipitur maxime innititur gladio spirituali nec tangit ali qualiter temporalem nec talis litera unquam prius per cancellariam transivit [que si ista vice concederetur in maximum cederet nostre et totius ecclesie Dei et precipue Anglicane prejudicium et injuriam ac enervationem ecclesiastice libertatis] rogamus specialiter amicitiam vestram caram quatenus ex quo casus iste per dominum nostrum regem ut audivimus discretioni vestre committitur providere velitis quod nulla litera de cancellaria exeat per quam juri nostro et ecclesie nostre Eboracensis necnon et Cantuariensis et totius ecclesie Anglicane possit in aliquo derogari nec movere vos debent verba aliorum de curia quia melius scitis hujusmodi literas ponderare et que damna et injurie ex his literis talibus poterunt prelatis et toti ecclesie provenire Bene valete Data apud North Cave iij nonas Aprilis pontificatus nostri anno quinto