Charter Document - 06480104
| Charter Number: | 06480104 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1304 |
| Date type: | Internal, Calendar, Episcopal |
| Resource Link(s): |
Borthwick Institute - Register 6 (f325r) |
Charter:
T Dei gratia [] venerabili in Christo fratri domino T eadem gratia Candide Case episcopo salutem [] Scripsit nobis nobilis vir dominus Robertus de Brus dominus vallis de Anant quod nonnulli seculares bona Alexandri filii sui rectoris ecclesie de Carnemoel vestre dioeceseos ut dicitur ecclesiastica preter auctoritatem vestram dictique rectoris voluntatem seu licentiam occuparunt asportarunt et in usus proprios converterunt in ipsius rectoris et ecclesie sue prejudicium et gravamen petens instanter a nobis quatenus ut per vos dicti seculares vestre ut dicitur dioeceseos ad restitutionem bonorum hujusmodi prefato faciendam rectori censura ecclesiastica compellantur vobis nostras dirigere literas dignaremur Ipsius itaque nobilis supplicationibus inclinati fraternitatem vestram in Domino duximus exhortandum quatenus prefato rectori super premissis tam debite quam celeris exhibeatis justitie complementum per cujus defectum querela super his ad nos non perveniat iterata Esse quidem debetis ex debito pastoralis officii singulis debitor propitius in justitia exhibenda In Christi Jhesu diu valeat paternitas vestra cara Data apud Burton vj kalendas Martii pontificatus nostri anno quarto