Charter Document - 06480102
| Charter Number: | 06480102 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1302 |
| Date type: | Internal, A.D., Calendar |
| Resource Link(s): |
|
Charter:
Johannes miseratione Divina Karliolensis episcopus dilectis in Christo filiis domino Priori ecclesie Karliolensis et ejusdem loci Capitulo sub collectoribus decime populis in civitate et dioecesi Karlioli imposite per tres annos per venerabiles viros dominos [] episcopum London et Bartholomeum de Ferentino hucusque collectores dicte decime specialiter deputatis salutem gratiam et benedictionem Ecce habito tractatu nuper Londonensi cum prefatis viris domino episcopo Londoniensi et magistro Bartholomeo de Ferentino super statu lamentabili ecclesiarum nostre dioeceseos per hostiles invasiones Scotorum pro dolor destructarum ex injuncto dictorum principalium collectorum vobis tenore presentium intimamus quod a rectoribus et vicariis ecclesiarum infra scriptarum duas partes decime secundum tenorem mandati dictorum principalium collectorum vobis directi tantummodo exigatis In Decanatu Karlioli De ecclesia de Walton de ecclesia de Bampton et vicario ejusdem de ecclesia de Irthyngton et vicario ejusdem de ecclesia de Ayketon de ecclesia de Brampton de ecclesia de Thoresby de ecclesia de Bouneys de ecclesia de Burg et vicario ejusdem de ecclesia de Beaumont de ecclesia de Grinisdal de ecclesia de Crambok de ecclesia de Scaleby de ecclesia de Castel Kayrok de ecclesia de Carlanton et de ecclesia de Wedirhal In Decanatu de Allerdal De ecclesia de Wygeton de ecclesia de Kirkebrid de ecclesia de Bromfeld de ecclesia de Aspatrik de ecclesia de Bolton de ecclesia de Ireby de ecclesia de Ulvedal de ecclesia de Caldebek de ecclesia de Torpennou et vicario ejusdem de ecclesia de Isal et vicario ejusdem de ecclesia de Plumland de ecclesia de Bridekyrk et vicario ejusdem de ecclesia de Bethokirk In Decanatu Cumbrie De ecclesia de Edenhal de ecclesia de Kirkeland de ecclesia de Soureby de ecclesia de Ravenewyk de ecclesia de Leysingby de ecclesia de Kirkoswald de ecclesia de Crogelyn de ecclesia de Aynstaplith et vicario ejusdem de ecclesia de Daker et vicario ejusdem de ecclesia de Greystok de ecclesia de Hoton de ecclesia de Adyngham de ecclesia de Penryth et vicario ejusdem de ecclesia de Skelton de ecclesia de Salkild In Decanatu de Westmonasterio De ecclesia de Morlund et vicario ejusdem de ecclesia de Cliburne de ecclesia de Hesp de ecclesia de Bampton de ecclesia de Askom de ecclesia de Louthre de ecclesia de Clifton de ecclesia de Barton Verum quia ecclesie parochiales de Artureth Levyngton et de Routheclyf simul cum suis parochiis parochie etiam Beate Marie et Sancti Cuthberti Karlioli portio episcopi in ecclesia de Stanewyg portio prioris Karlioli in eadem et vicaria ejusdem et parochie de Dalston Crosseby Farlham Hayton Cumquitington Cumrewe Seburham Overton Stapilton Eston et de Bothecastre erant et sunt destructe totaliter et combuste et adhuc per quotidianas et hostiles aggressiones Scotorum multipliciter depredantur nulla decima sive modica exigi poterit ab eisdem De rebus etiam temporalibus [] spiritualibus annexis infra limites dictarum parochiarum existentibus idem dicimus esse censendum quod de valore ecclesiarum dictarum superius est expressum presertim cum ex destructione et exilitate rerum et redituum temporalium obventiones ecclesiastice reddantur tenues et exiles De quibus omnibus tam per assertionem religiosorum rectorum et vicariorum dictarum ecclesiarum quam per inquisitionem diligentem aliorum fidedignorum necnon per facti notorie etatem facta est nobis legitime plena fides In quorum testimonium vobis literas nostras mittimus has patentes Data Karlioli x kalendas Januarii anno Domini MCCC secundo