Charter Document - 06480101
| Charter Number: | 06480101 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Information |
| Date: | 1302 |
| Date type: | Internal, A.D., Feast |
| Resource Link(s): |
Borthwick Institute - Register 6 (f82v) |
Charter:
Reverendo in Christo domino Thome Dei gratie Eboracensi archiepiscopo Anglie primati devoti sui filii Conventus Gyseburne salutem obedientiam reverentiam pariter et honorem Literas magnificentie vestre filialiter et devote suscipientes secundum formam earum et tenorem elegimus ex nobis tres viros idoneos fratres videlicet Walterum de Hemyngburg subpriorem nostrum Robertum de Furmeri et Robertum de Daneby preter duos Willelmos in literis vestris nominatos quos benignitati vestre dirigimus humillima prece rogantes ut domino Priori nostro et eisdem in his que tangunt monasterii nostri negotia gratiose velitis intendere consilium et favorem Et quia statum meliorationis nostre vestri gratia diligitis ut jam sumus experti significamus per presentes quod benedicto Deo altissimo unanimes sumus et mutuo diligimus in regulari disciplina et ceteris observantiis nostris pacifice viventes Deo et informationi vestre multimodas ut tenemur gratias exhibendo In statu etiam temporalium a festo Pentecostes anno Domini MCCC primo usque ad idem festum anno revoluto exonerati sumus et relevati ab ere alieno in ijxxv libros xviij sterlingos et v denarios Et hoc pie paternitati vestre tenore presentium sub communi sigillo nostro signatarum innotescimus Data publice in capitulo nostro die Omnium Sanctorum anno Domino MCCC secundo