Charter Document - 06480099
| Charter Number: | 06480099 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1301 |
| Date type: | Internal, Regnal |
| Resource Link(s): |
|
Charter:
Edwardus [] thesaurio et baronibus suis de scaccario salutem Sua nobis venerabilis pater Johannes Karliolensis episcopus petitione supplicavit ut cum ipse teneat ex commissione nostra prata et herbas de dominicis castri nostri Karlioli ad firmam pro x libris nobis per annum ad saccariam nostram reddendis et prata et herbe predicta per Walenses et Hibernicos versus Scotiam in obsequium nostrum nuper proficiscentes uno anno et per fideles nostros de exercitu nostro similiter eundo versus partes illas et exinde redeundo duobus annis depasta fuissent totaliter et consumpta ita quod nihil commodi inde percipere potuit tempore predicto velimus ei in firma sua predicta inde debita facere allocationem volentes precibus ejusdem episcopi quatenus justum fuerit annuere in hac parte vobis mandamus quod per sacramentum proborum et legalium hominum partium illarum per quos rei veritas melius sciri poterit diligenter inquiratis que damna prefatus episcopus sustinuit in hac parte et per quos et quo tempore qualiter et quomodo et de damnis que per inquisitionem illam ipsum episcopum de predictis pratis et herbagiis inveneritis habuisse debitam allo cantiam sibi in firma sua predicta fieri faciatis Teste me ipso apud Netleham anno [] xxix