Charter Document - 06480094
| Charter Number: | 06480094 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1300 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 6 (f219r) |
Charter:
T Dei gratia [] dilectis in Christo filiis Johanni de Cave et Radulpho ballivo nostro Beverlacensi salutem gratiam et benedictionem Sciatis quod constituimus vos justitiarios nostros in libertate nostra Beverlacensi ad inquirendum super his que emptores et venditores cum mala moneta contra defensionem regiam et ipsam monetam contingunt de illis etiam qui electi ad guerram Scotie non iverunt seu ierant et de exercitu regio fraudulenter sine licentia captis vadiis recesserunt eisque in premissis consilium auxilium vel favorem prebentibus clam vel palam necnon ad fines ratione delictorum petendum et recipiendum et ad faciendum secundum tenorem originalis brevis regii inde facti circa predicta omnia et ea contingentia quod secundum legem et consuetudinem regni Anglie et libertatis nostre predicte fuerit faciendum Et ideo vobis mandamus quatenus in premissis et ea contingentibus quod ad justitiam pertinet faciatis salvis nobis amerciamentis inde provenientibus In cujus rei testimonium [] literas nostras [] Data apud Cawod quarto nonas Novembris anno gratie MCCC et pontificatus nostri primo