Charter Document - 06480093
| Charter Number: | 06480093 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1300 |
| Date type: | Assigned |
| Resource Link(s): |
|
Charter:
Universis pateat per presentes quod nos clerus civitatis et dioeceseos Karliolensis dilectum nobis in Christo dominum Huc dictum de Sancto Nicholao presbyterum latorem presentium ad exponendum statum nostrum in curia Romana et ad impetrandum pro nobis literas gratiam et simplicem justitiam continentes et ad prosequendum negotia nostra ibidem de remedio habendo super combustionibus et depredationibus nobis factis per Scotos et de ecclesiis nostris per Scotos diversis vicibus destructis et combustis per collectores decime in regno Anglie deputatos de novo taxandis procuratorem nostrum facimus et constituimus per presentes Dantes eidem specialem potestatem premissa omnia et singula faciendi et in curia Romana prosequendi cautiones rem ratam haberi et judicatam solvi pro eodem sub hypotheca rerum nostrarum promittimus et exponimus in his scriptis Hec omnibus et singulis quorum interest tenore presentium intimamus In cujus rei testimonium sigillum venerabilis patris domini Johannis Dei gratia Karliolensis episcopi precavimus literis his apponi Data Karlioli ij kalendas Octobris anno Domini [MCCC]