Charter Document - 06480080
| Charter Number: | 06480080 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Gratitude |
| Date: | 1297 |
| Date type: | Assigned |
| Resource Link(s): |
Borthwick Institute - Register 5 (f41r) |
Charter:
[] in Christo patri et domino suo reverendisimo domino B Divina providentia sacrosancte Romane ac universalis ecclesie summo pontifici suus devotissimus [] ecclesie Eboracensis electus cum omni obedientia et reverentia devotissima pedum oscula beatorum Receptis cum omni reverentia et lectis vestre []atis epistolis super provisione de me facta ad ecclesiam Eboracensem quam [inter] ceteras Anglie ecclesias amplectitur sedes Apostolica quadam prerogativa et dulcedine caritatis stupuit auditus totusque animus meus quasi in ex casum est deductus Dum in dignitatis et impositi oneris gravitate intima meditatione considero dum temporis turbationem presentis in quo in spiritualibus possunt proficere pauci in animo revolvo dum statum ipsius ecclesie in temporalibus multipliciter delapsum attendo certe sanctissime pater non mea sed Omnipotentis virtute confisus juncto jugo collum humilem humiliter submisi Et ne sub onere sub cumulet Auctorem omnium a Quo omnis fortitudo procedit continua prece pulso ut in agendis me fortificet et informet ut inveniatur in me quod in providendo de me vestra sanctitas supponebat De hoc siquidem pater bone quod voluistis me licet indignum tante ecclesie preficere in archiepiscopum et pastorem tales nequeo gratias persolvere quales beneficii magnitudo et celsitudo expeterent providentis etiamsi totus liquesce rem in actionibus gratiarum sed ad illas sanctitati vestre flexis genibus affingo ad quas sufficere valeat fragilis humilitas jam promoti confitensque et promittens quod me creaturam vestram vestra sancta paternitas et sancta mater mea ecclesia Romana experietur in omnibus benevolum humilem filium et devotum Verum quia propter viarum et maris pericula et guerrarum undique discrimina que diu esse suscitavit [] gravis inimicus et continuat usquequam ad vestre sanctitatis presentiam veniendi non patet mihi transitus vel accessus vestre sanctitatis celsitudinem quantum possum humilius deprecor et exoro quatenus quod de gratia circa me facta superest faciendum quoad consecrationem et pallium benignitati vestre placeat in Angliam delegare Et quia his diebus apud nos non inveniuntur mercatores qui pecuniam recipiant ad Romanam curiam transferendam dignetur pii patris immensa bonitas alicui societati in Anglia moranti mandare ut a me recipiant pecuniam quam pro vestro et sancte Romane ecclesie servitio eis tradam Credo vero firmiter quod nullus invadet pecuniam quam noverit esse vestram