Charter Document - 06480074
| Charter Number: | 06480074 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Royal |
| Charter Type(s): | Protection |
| Date: | 1295 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Johannes Dei gratia rex Scottorum omnibus hominibus ad quos presentes litere pervenerint salutem Cum venerabilis pater Johannes eadem gratia Karliolensis episcopus qui nuper ad nos pro quibusdam negotiis specialibus ex parte magnifici principis domini nostri domini Edwardi Dei gratia regis Anglie illustris accessit nos interpellasset cum effectu quod salvum et securum conductum redeundi ad predictum dominum regem Anglie per districtus regni nostri ei concederemus precibus ejusdem episcopi animo benevolo inclinati vobis mandamus omnibus et singulis quatenus cum idem venerabilis pater cum familia sua et rebus suis quas secum ducit per vos vel districtus vestros transire contigerit redeundo ad partes Anglie nullum malum molestiam injuriam seu gravamen eisdem in personis aut rebus inferatis injuste aut ab aliis quatenus in vobis est inferri permittatis super vestram plenarium foris facturam aut mortem eis inferat sub pena amissionis vite et membrorum presentibus post mensem minime valituris Testibus Malisio comite de Straythern Patricio comite de Dunbar Johanne Comyn et Jacobo senescallo Scotis militibus apud Edenburg viij die Novembris anno regni nostri tertio