Charter Document - 06480072
| Charter Number: | 06480072 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1295 |
| Date type: | Assigned |
| Resource Link(s): |
|
Charter:
Johannes miseratione Divina Karliolensis episcopus executor negotii Terre Sancte infra regnum Scotie per sedem Apostolicam princeps deputatus discretis viris abbati de Jedd et Priori ejusdem loci salutem in omnium Salvatore Ad absolvendum rectores vicarios et ceteros de clero totius regni Scotie excommunicatos pro suis decimis in subsidium Terre Sancte concessis statutis terminis non solutis et ad dispensandum cum eisdem super irregularitate si quam contraxerint se immiscendo Divinis ali qualiter sic ligati vobis et alteri vestrum per se tenore presentium committimus vices nostras quousque eas duxerimus revocandas previa satisfactione condigna Proviso quod quilibet eorum secundum facultates suas pro suis offensis abundanter respiciat Terram Sanctam super qua respectione taxandum et injungendum juxta personarum merita vestras conscientias conjunctim et divisim in fide qua Deo et ecclesie Romane tenemini oneramus potestate absolvendi episcopos abbates priores et alios in dignitate existentes ex causis predictis ligatos et ad dispensandum cum eisdem super irregularitate si quam incurrerint hac de causa nobis totaliter reservata Data apud Jedd xvj kalendas Augusti anno [] nonagesimo quinto