Charter Document - 06480071

Bonifacius episcopus servus servorum Dei venerabili fratri episcopo Karliolensi salutem et Apostolicam benedictionem Nuper ad nostrum pervenit auditum quod quondam Celestinus papa v antecessor noster tibi dudum suis dedit sub certa forma literis penas graves non modicum continentibus in mandatis ut dilectis filiis Lambertucio et Johanni de Frescobald Petro et Curso Foresii fratribus et Restoro Spiliati Carrucio de Luerre Philippo Renuncii Johanni Jacobi Ivamo Russoli Vanne Dulcebene Massio Uberti et aliis eorum sociis de societate Friscobaldorum civibus et mercatoribus Florentinis decem millia marcarum sterlingorum de pecunia decime regni Scotie per felicis recordationis Nicholaum papam Quartum predecessorem nostrum pro carissimo in Christo filio nostro Edwardo illustri rege Anglie [qui suscepto venerabili signo crucis totis aspiravit et aspirat affectibus ad Terre Sancte subsidium] hactenus imposite ad sex annos cujus quidem decime in regno ipso fuisti collector per Romanam ecclesiam deputatus tenenda et conservanda per ipsos liberaliter integre ac libere absque cujusquam dilationis diffugio in depositum assignare curares volens idem antecessor quod hujusmodi ejus litere ac mandatum penarumque impositio contenta in eis a datu literarum earundem inciperent et perpetuitatem reciperent ac plene perpetueque robur firmitatis haberent ac si per quemcunque modum vel actum legitimum perpetuale fuissent Nos autem attendentes inconvenientiam premissorum qui non absque circumventione fraudis vel importunitatis inepte apud eundem antecessorem intervenisse noscuntur ac propterea volentes quam exigunt licentiam correctionis apponere super his prefatas et quascunque alias super assignanda ipsis mercatoribus vel eorum alicui vel aliquibus seu cuivis alteri de Societate predicta pecunia dicte decime ejusdem predecessoris literas omniumque illarum effectum si quis est exinde subsecutus omnem quorum processuum sententias sive penas si qui ipsarum occasione vel causa per quoscunque fuerint habiti sive lati auctoritate qualibet antecessoris ejusdem decernimus auctoritate presentium non valere ac nullius existere firmitatis ipsosque viribus vacuamus omnino et te ad predicta servanda ullatenus non teneri teque a predictarum et aliarum literarum penis antecessoris ipsius si eas vel ipsarum aliquam forsitan incurristi absolvimus et totaliter liberamus fraternitati tue per Apostolica scripta mandantes quatenus prenominatis mercatoribus vel alicui seu aliquibus eorundem de prefatis decem milibus marcarum sterlingorum quantitatem aliquam non assignes sed si quam forsitan assignasti exigere auctoritate nostra et rehabere procures contradictores per censuram ecclesiasticam appellatione postposita compescendo Volumus autem quod quicquid de hujusmodi quantitate decem millium marcarum sterlingorum a mercatoribus supradictis vel aliquo ipsorum exegeris penes Jacobum de Vanzati et Bartholomeum Usimbardi ac Philippum Burghii de Mozorum Restorum Bonaventure Guidonem Bertaldi Ranucium Ugonis et Bonifacium Rogerini de Spinorum de Florentia Amicum Caccealeonis Johannem Aldibrandini Gianum et Villanum Luchetti de Clarentum de Pistorio societatibus mercatores camere nostre deponas sub cautionibus et securitatibus de quibus videris expedire faciens de hujusmodi depositione confici publicum seu publica instrumenta illa penes te conservaturus et alia consimilia ad nostram cameram transmissurus et rescripturus nobis nihilominus per tuas literas quicquid inveneris et feceris in premissis Data Anagnie ij idus Julii pontificatus nostri anno primo