Charter Document - 06480069
| Charter Number: | 06480069 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Absolution |
| Date: | 1295 |
| Date type: | Assigned |
| Resource Link(s): |
|
Charter:
Tertio nonas Maii anno Domini [MCC] nonagesimo quinto dispensatum est cum magistro Alpino thesaurario Scotie sub verbis subsequentibus Johannes [] executor [] dilecto sibi in Christo magistro Alpino de Stratherne thesaurario domini regis Scotie salutem et gratiam Salvatoris specialius promereri A sententia suspensionis et excommunicationis in personam vestram per nos et per quoscunque com missionarios nostros unum vel plures infra dictum regnum Scotie quacumque de causa latis ante datum presentium vos absolvimus in his scriptis et aliter cumque in omnibus quatenus ad nos pertinet declaramus omnem maculam seu notam irregularitatis contracte occasione decime statuto termino non solute si forte immiscuistis vos Divinis ali qualiter sic ligati auctoritate nobis commissa penitus abolemus et vobiscum super hoc misericorditer dispensamus tenore presentium vos citantes quod compareatis coram nobis vel com missionariis nostris in ecclesia conventuali de Jed[burgh] die Lune proxima ante festum Sancte Margarete Virginis super quibusdam negotiis Terram Sanctam tangentibus legitime responsuri ultraque facturi quod natura negotii exigat et requirat Data ut prius