Charter Document - 06480065
| Charter Number: | 06480065 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Royal |
| Charter Type(s): | Request |
| Date: | 1294 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gratia [] venerabili in Christo patri Johanni eadem gratia [] Conditor omnium Dominus Qui pro Suo beneplacito cunctis mortalibus vivere dat et mori prolongans et abbrevians sicut vult vite terminos secularis carissimum amicum et affinem nostrum Johannem quondam ducem Brabantie de presenti seculo quod vobis non sine cordis amaritudine nuntiamus prout Sibi placuit evocavit Cum itaque opus sanctum ac salubre juxta Scripture Divine sententiam censeatur pro defunctis ut a peccatorum solvantur nexibus exorare paternam caritatem vestram piis affectibus requirimus et rogamus quatenus ejusdem ducis exequias sollemniter celebrantes ipsius animam in vestra cathedrali ecclesia cum missarum decantationibus et aliis Divinis obsequiis Deo vivo specialiter commendetis eamque in ceteris ecclesiis ac locis religiosis per totam vestram dioecesim ditioni vestre subditis faciatis devotius commendari ut ex hoc premium apud Deum et a nobis condigna vobis proveniat actio gratiarum Teste meipso apud Wrotham viij die Maii anno regni nostri vicesimo secundo