Charter Document - 06480064
| Charter Number: | 06480064 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Lay |
| Charter Type(s): | Request |
| Date: | 1294 |
| Date type: | Assigned |
| Resource Link(s): |
Borthwick Institute - Register 4 (f138r) People of Medieval Scotland |
Charter:
Venerabili in Christo patri domino Johanni Dei gratia Eboracensi archiepiscopo suus si placet in Christo filius Robertus de Brus dominus vallis Anand salutem in omnium Salvatore Cum dilectus clericus et nuntius noster magister Thomas de Kirkutbrith Dei permissione et communi assensu totius electionis Candide Case vobis subjecte ejusdem loci sit electus in antistitem vestre reverende paternitati prout nostre competit exiguitati preces porrigimus affectuosas exhortando quatenus caritatis intuitu vos penes ipsum gratiosos exhibere velitis quia licet bone conversationis sit et honeste quidam filii iniquitatis spiritu maligno inflati prout intelleximus ipsum impedire proponunt tamen de vestra industria et benevolentia tantum confidimus quod ea que secundum Deum fieri debent nullius suggestione vel presumptione facere desistetis Valeat et vigeat vestra reverenda paternitas per tempora diuturna