Charter Document - 06480063
| Charter Number: | 06480063 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Royal |
| Charter Type(s): | Request |
| Date: | 1294 |
| Date type: | Internal, Calendar, Regnal |
| Resource Link(s): |
Borthwick Institute - Register 4 (f139v) People of Medieval Scotland |
Charter:
Johannes Dei gratia rex Scotie venerabili in Christo patri Johanni eadem gratia Eboracensi archiepiscopo [] salutem in Eo Qui regibus regimen et tempus regendi prestans inter ceteros prelatos Sibi preelectos et pastores vos ministrum prefecit Cum per mortem bone memorie venerabilis quondam patris H Candide Case nuper episcopi ecclesia sit pastore destituta et religiosi viri Johannes prior Candide Case et ejusdem loci conventus cum ceteris de clero ejusdem sedis et dioeceseos vocem ibidem in electione habentibus Deum pre oculis non habendo Thomam de Kircudbryth clericum qui se gerit pro electo ejusdem non per inspirationem vel viam caritativam sed per quandam compromissionem quam simoniacum conversationem per aliquas certas personas excogitatam reputamus et probandum speramus in presulem suum preelegerint et pastorem benevolentiam vestram cum discretione non modica multis retroactis temporibus frequenter nobis expertam attentius ad presens requirendum duximus et rogandum quatenus cum idem Thomas sic factus electus ad vos venerit admissionem vel consecrationem petiturus ipsum non admittere dedignantes negotia sua penes vos expedienda usque ad aliquem diem certum per vos sibi assignandum dilationem capere permittere velitis his nostris intercessionibus servatis meritis et amore ut medio tempore super aliquibus vobis per articulos quos per nos contra ipsum clericum sic electum electores et electionem proponendos habemus melius circumspecti et consulti vos reddamus certiores dictis carissimorum nobis magistrorum Walteri de Fodringey et Thome de Esthall clericorum dilectorum et fidelium nostrorum vel alterius ipsorum latorum vel latoris presentium fidem si placet adhibere curantes et premissa facientes ut vestre sane conscientie benignitas apud Deum et homines ad meritum vobis cedat et honorem ac he preces nostre super his agendis nostris cordi nostro proximis nobis ad presens prostent suffragium Teste meipso apud Botil xiij die Januarii anno regni nostri secundo