Charter Document - 06480056
| Charter Number: | 06480056 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1291 |
| Date type: | Assigned |
| Resource Link(s): |
Borthwick Institute - Register 4 (f19v) |
Charter:
Serenissimo principi domino suo domino Edwardo Dei gratia regi Anglie illustri domino Hibernie et duci Aquitanie Johannes permissione Ejusdem Ebor [] salutem in Eo Cui servire perenniter es regnare Excellentie vestre regie tenore presentium innotescat quod summa missarum pro anima nobilissime domine domine Alianore quondam regine Anglie et consortis vestre cui propitietur Altissimus singulis quartis feriis ebdomadarum singularum hujus anni in nostra dioecesi celebrandarum in singulis ecclesiis parochialibus et capellis ubi fuerint presbyteri celebrantes se ad quadraginta septem mille quingentas et viginti octo missas extendit preter alia orationum suffragia tam pro salubri statu vestro liberorumque vestrorum quam pro ipsius consortis vestre recommendatione speciali concessa Nos vero hujusmodi orationum suffragiorum et beneficiorum concessiones ratas habentes eas quantum in nobis est auctoritate dioecesana tenore presentium confirmamus Et nihilominus de Dei Omnipotentis miti misericordia et gloriose Virginis matris Sue Beatorum Apostolorum Petri et Pauli necnon sanctissimi [] qui pro anima ejusdem recolende domine domine Alianore prefate et animabus omnium fidelium defunctorum Orationem Dominicam et Salutationem Beate Virginis dixerint fida mente xl dies de injuncta sibi penitentia Deo propitio misericorditer relaxamus indulgentias a venerabilibus partibus coepiscopis nostris quibuscumque catholicis ad id concessas et in posterum concedendas quantum ad nos attinet ratas habentes pariter et acceptas In cujus rei testimonium sigillum nostrum presentibus est appensum Data apud Etale vij idus Junii anno [] nonagesimo primo