Charter Document - 06480054
| Charter Number: | 06480054 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1290 |
| Date type: | Internal, Calendar, Episcopal |
| Resource Link(s): |
Borthwick Institute - Register 4 (f36r) |
Charter:
Officiali archidiaconi Eboracensi salutem gratiam et benedictionem Ex parte domini Fulconis filii Warini de Abbebur militi Herefordensis dioeceseos recepimus quod cum domina Agnes Bacun domina de Edelington defuncta soror dicti militis sibi unum lapidem pretiosum qui dicitur asininus in ultima legaverit voluntate Agnes filia Roberti le Gru de Norhampton tunc domine ipsius ancilla in exitu dicte domine eundem lapidem occupans eum retinuit et adhuc detinet dictoque militi legatarie restituere contradicit ex eo colore accipiens quod duo sunt Fulcones filii Warini quorum unus dicitur frater domine predicte germanus et alius Fulco filius Warini nepos domine memorate sicque sub hoc dubio legato debito frustratur uterque Quocirca discretioni vestre firmiter injungendo mandamus quatenus vocatis ad certos diem et locum propinquioribus personis tam viris quam feminabus in extrema voluntate dicte domine presentibus et alis quatenus opportunum fuerit corum vobis inquiratis de premissis cum omni cautele studio veritatem nobis quicquid super his inveneritis fideliter rescribentes Proviso quod dictum lapidem in dicte ancille manibus existentem arctius sequestretis ita quod ante discussionem negotii sine nobis nullatenus elongetur in quibus vices nostras committimus cum coercionis canonice potestate Per vestras autem patentes literas harum continentes seriem nos super predictis omnibus certificare curetis Bene valete Data apud Cawod iij idus Junii pontificatus quinto