Charter Document - 06480053
| Charter Number: | 06480053 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1287 |
| Date type: | Assigned |
| Resource Link(s): |
Borthwick Institute - Register 4 (f8v) |
Charter:
Digne ultionis severitas male meritos prosequitur et illos precipue qui furoris sui stimulum ad exterminationem propriam acuere non desinunt dum in injuriam rei publice ad pacis communis interitum impias manus injiciunt Cum itaque omnes illos majoris excommunicationis sententia ligatos teneat qui pacem domini regis et regni maliciose perturbant que per Anglicanam ecclesiam est annis singulis contra tales sollemniter promulgata ac plusquam notorium fuerit quod Resinus Emereduci de partibus Wallie in manu potenti equitum et peditum armatorum pacem regni turbarit hostiliter his diebus propter quod in prefatam excommunicationis sententiam incidit manifeste De v firmiter injungendo mandamus quod predictum Reys et omnes eidem auctoritatem opem consilium vel favorem quemlibet in suis presumptione et rebellione prestantes tam in nostra cathedrali quam in aliis collegiatis et parochialibus ecclesiis nostre dioeceseos diebus Dominicis et festivis predicte excommunicationis sententia denuntiari faciatis cum sollemnitate omnimoda involutos Nos super hujusmodi [] Data []