Charter Document - 06480050
| Charter Number: | 06480050 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Explanation |
| Date: | 1286 |
| Date type: | Internal, Calendar, Episcopal |
| Resource Link(s): |
Borthwick Institute - Register 4 (f59v) |
Charter:
J[ohannes] primas [] precordialissimis in Christo filiis priori provinciali Fratrum Predicatorum Anglie et ceteris fratribus apud Beverlacum in hoc provinciali capitulo congregatis salutem cum benedictione et gratia Salvatoris Ardua et urgentia negotia que nos in remotis his diebus occupant nos profecto impediunt quominus huic sancte congregationi vestre personaliter interesse possimus ut vellemus Proinde sincerrimam caritati vestre cum obtinendi fiducia votivis affectibus supplicamus quatenus nostram hac vice absentiam habere velitis benignius excusatam familiariter attendentes quod si commoda sub fuisset facultas vobis nostram ultro etiam prebuisse mus presentiam ex optato Denique nos et curam nostris humeris Divina dispositione impositam que laboriose sollicitudini subjicitur adeo quod absque celesti adjutorio et sanctorum intercessorum suffragio sufficere nequimus eidem vestris piis et devotis orationibus visceraliter commendamus rogantes attentius quatenus id onus nobiscum supportetis studiosius apud Deum ut vobis mediantibus quos quasi a primis cunabulis caros et speciales habuimus et habemus liberius et facilius cum grege commisso transire possimus ad patriam ab eterno electis salubriter preparatam Volumus autem quod fratres ordinis vestri ad nos placidum recursum habeant quos in singulis agendis favorabiliter juva bimus et contra adversa tuebimur pro viribus velut nostros Conservet felicem sanctitatem vestram utilitati ecclesie sue Deus per tempora prospera et longeva Data apud Thorp ix kalendas Septembris pontificatus [nostri] [primo]