Charter Document - 06480047
| Charter Number: | 06480047 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1286 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f65v) |
Charter:
N commissarius Cantuariensis discreto viro [] decano Dovor salutem in Domino Ex speciali mandato et precepto domini nostri domini J[ohannis] Dei gratia Cantuariensis archiepiscopi totius Anglie primatis vobis in virtute obedientie firmiter injungendo mandamus quatenus si contingat dominum archiepiscopum Eboracensem per decanatum vestrum pertransire [qui ut dicitur per eundem transiturus est in brevi] si transeat cruce erecta ipsum modo honesto impediatis et per omnes rectores vicarios et capellanos vestri decanatus tam exemptos quam non exemptos impediri faciatis Inhibentes districtius et inhibere facientes universis et singulis vestri decanatus tam clericis quam laicis in locis exemptis et non exemptis sub pena excommunicationis quam ipsos incurrere volumus ipso facto scienter contrarium attemptantes [quorum absolutionem reservamus domino nostro memorato] ne quis ad ipsius benedictionem vel aliquam ei exhibendo reverentiam quamdiu crucem erectam portaverit se inclinet Inhibeatis insuper rectoribus vicariis et capellanis secularibus et religiosis de jurisdictione predicti domini nostri existentibus ut missas non celebrent campanas non pulsent nec aliqua ecclesiastica beneficia exerceant in loco quo idem archiepiscopus cruce erecta declinaverit moraturus Valete Data apud Icham vij kalendas Aprilis anno Domini MCCLXXXCJ