Charter Document - 06480044
| Charter Number: | 06480044 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Ruling |
| Date: | 1284 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f86r) |
Charter:
W[illelmus] permissione Divina [] dilectis in Christo filiis procuratoribus [] abbatis Cistercii in parochiali ecclesia de Scardeburg residentibus salutem gratiam et benedictionem Cum secundum Apostolum fides sit ex auditu auditus per verbum Dei unde qui verbi Dei predicationi impedit fidem impugnare videtur admiratione ducimur vehementi quod [cum] vos ad salutem plebis vestre verbi Dei ministros debetis si sane adverteritis ultro etiam excitare ipsos dum se piis visceribus offerunt turbando repellitis quominus in parochia vestra publice possint exponere sanctissimum verbum Dei in quo quantum peccaveritis si intima meditatione re volveritis conscientia edoceret Nos itaque tam vestram quam parochianorum prefate ecclesia salubrem conversationem cupientes sollicita vigilantia procurare devotionem vestram exhortamur in Domino vobis nihilominus firmiter injungentes quatenus eum viri religiosissimi Fratres de ordine Minorum ad predictam parochiam declinaverint ut predicant inibi verbum sanctum eos nullatenus impediatis per vos vel per alios quominus horis ad hoc congruis et locis aptis id valeant assistente populo libere ministrare Quod vos qui religiosam vitam agitis debetis siquidem ad laudem Altissimi gratantibus acceptare Parva igitur benevolentia sic vos dirigat in hac parte quod vestra inordinata rebellio iteratum clamorem nobis minime representet pro qua oporteat vos arctius cohiberi Valete Data apud Wylton ij idus Julii anno pontificatus nostri quinto