Charter Document - 06480040
| Charter Number: | 06480040 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1282 |
| Date type: | Internal, Calendar, Papal |
| Resource Link(s): |
Borthwick Institute - Register 3 (f85v) |
Charter:
Martinus episcopus [] dilectis filiis [] Priori Fratrum Predicatorum Londoniensium ac decano et archidiacono Leycestre in ecclesia Lincolniensi salutem et Apostolicam benedictionem Significavit nobis venerabilis frater noster archiepiscopus Eboracensis quod cum ipse ad villam de Beverlaco Eboracenses dioeceseos temporaliter et spiritualiter sibi subjectam accederet ut in ecclesia ipsius ville prout officii sui debitum exigit populo sue cure commisso proponeret verbum Dei Rogerus de Tykeshull et Ricardus Sabine clerici Robertus Ingelberti Ricardus Inglays laici ac universitas ejusdem ville vesano ducti spiritu multiplicatis tumultibus et conclamationibus laxato conviciorum freno in dictum archiepiscopum patrem et pastorem eorum in publico conspectu ut est moris ad predicandum paratum escandere ceperunt effrontes adeo quod licet idem archiepiscopus omnes et singulos predictos per frequentes monitiones pio sollicitare niteretur affectu ut ab insolentiis hujusmodi conquiescerent et etiam resilirent quia tamen iidem impetu osius quod horribiliter inchoarunt tanquam aspides surde obturantes aures suas maligno continuato processu in Dei et ipsius archiepiscopi vituperium non modicum et contemptum in tantum pertinaciter persistere presumpserunt quod idem archiepiscopus in ecclesia ipsa sue predicationis officium prosequi ac exequi non valuit immo potius illud deserere est coactus propter quod memoratus archiepiscopus quia clerici et laici ac universitas predicta super hoc moniti diligenter satisfacere contumaciter denegarunt cum nihil rationabile proponerent quare hoc facere non deberent et id esset ita notorium quod nulla poterat tergiversatione celari in clericos et laicos predictos auctoritate ordinaria excommunicationis et in villam ipsam interdicti sententias promulgavit quare dictus archiepiscopus nobis humiliter supplicavit ut hujusmodi sententias robur faceremus firmitatis debitum obtinere Quocirca discretioni vestre per Apostolica scripta mandamus quatenus sententias ipsas sicut rationabiliter sunt prolate facias auctoritate nostra usque ad satisfactionem condignam appellatione remota inviolabiliter observari Quod si non omnes his exequendis potueritis interesse duo vestrum en nihilominus exequantur Data apud Urbem Veterem viij idus Maii pontificatus nostri anno secundo