Charter Document - 06480037
| Charter Number: | 06480037 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Appeal |
| Date: | 1280 |
| Date type: | Internal, A.D., Calendar |
| Resource Link(s): |
Borthwick Institute - Register 3 (f38v) Borthwick Institute - Register 3 (f146r) |
Charter:
Sanctissimo in Christo patri ac reverendo Nicholas Dei providentia summo pontifici suus humilis servulus et sacerdos W permissione Ejusdem Eboracensis cure custos et minister Anglie primas cum recommendatione devota et subjectione omnimoda devotissima pedum oscula beatorum Pater sanctissime in hac recenti novitate mea vos clamoribus vel querelis circumstrepere pertimesco verumtamen loqui vestre sollicitudini et injurias Dei minime verecundor denudare cum vis et vehementia vilis violentie mihi facte immo Deo et vobis si placet cujus servulum et creaturam me penitus recognosco vobis conqueri acrius ei acerbius me compellat unde inter pressuras et angustias quo me conterunt ad dulcedinem mitis misericordie vestre clamo et confugio confidenter Ecce reverendissime pater cum credidissem nuper in reditu meo ad partes Anglicanus de vestro sanctitatis literis domino [] Cantuariensi sub bulla transmissis quietem et tranquillitatem super delatione consueta crudis mee per Angliam fiducialius reportare mihi et meis post earumdem presentationem dicto domino [] Cantuariensi factam sevius solito et durius configebat Erecta enim in medio mari Anglie cruce signaculo primatie mee sicut semper fleri consuevit et quiete per Cantuariensem dioecesim bajulate demum magister Adam de Hales officialis domini Cantuariensis cum Sathane suisque satellitibus et complicibus sibi adherentibus in familiam et crucem meam velut effrons et furiosus irruit violenter ipsam crucem in partes perperam confringendo sed alium benedictus Altissimus ibidem mox allatam erigi feceram et deferri Idemque officialis dictam familiam meam conviciis turpissime et luctuosius laceravit dominum suum videlicet Cantuariensem in auctorem hujus rei quin potius reatus frequentius asserendo et seipsum hujusmodi velle violentiam coram hominibus auctorari Neo his improperiis et probrosis insultabas tunc contentus in ingressu meo London cum immensa multitudine armatorum mihi et meis acerbiorem insultum cum fustibus securibus gladiis et variis armorum generibus ad ingens scandalum mei et meorum die postera properavit Sed per auxilium amicorum qui mihi comitivam faciebant et eandem evasi comminatam duritiam Deo duce et ad regem pro temporalibus qum tenere debeo de eodem veni benedictus Altissimus post insultus Preterea pater sanctissime dominus Cantuariensis per officialem et ministros suos ubique in transitu meo consueto per provinciam Cantuariensem pro negotiis ecclesie Eboracensis loca receptacula et victualia mihi et meis ac si essemus Heretici vel precisi sub pena excommunicationis non ferende sed late aufert et immanissime interdicit et totam patriam ubi incedo vel moram facio supponit ecclesiastico interdicto prout si placet transcriptum presentibus interclusum dominationi vestre in parte manifestius declarabit adeo quod in ecclesia Dei gravius Scissura et divisio generatur et quod tedet me venire sub tot strepitibus et angustiis sic depressum maxime cum preteritis et antiquis molestiis succedant pro dolor graviore Placeat igitur pie compassioni et paternitati vestro rigorem dicti domini Cantuariensis aliqua correctionis lima vel ordinationis via moderari alioquin ecclesia Anglie sub capitibus et primatibus dissidentibus sic concussa cito sicut veretur lamentabiliter dividetur quia plerique filii diaboli et divisionis maligne concussioni et dissidente hujusmodi gratulantur intime et congaudent Ut igitur in possessione juris crucis deferende per totam Angliam quam predecessores mei usi fuerant et Decretalis epistola commemorat per pietatis vestro suffragium defendar provolutis genibus cum intimis gemitibus intime supplico et attente et super jure defendi me et capitulum vestre ordinationi vel aliorum quos ad honorem Dei et sancte sue ecclesie adhuc duxeritis deputandos si ad hoc partem adversam velitis inducere gratanter sub mitteremus pro litium amfractibus amputandis et caritate mutua confovenda honore nostre Eboracensis ecclesie si placuerit conservato Pater sanctissime timor adversantium me nequaquam compulit ad scribendum sed zelus quietis et concordie ac totius regni commodum mihi fervorem avidum supplicandi merito ministravit Absit etenim pater reverende ut crucis cruciamine ecclesia Anglie diutius lugeat vel languescat velitque vestra attendere sancta paternitas me premissa eo vobis scripsisse affectu ut suo zelo Salvatoris pacem dum vixero plebi provinciali preparare et procurrere Fiat voluntas et beneplacitum Superorum Conservet [] Data apud Burton kalendas Aprilis anno gratie MCC octogesimo