Charter Document - 06480036
| Charter Number: | 06480036 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1280 |
| Date type: | Assigned |
| Resource Link(s): |
Borthwick Institute - Register 3 (f56r) Borthwick Institute - Register 3 (f123r) |
Charter:
Decanus de Brathing universis rectoribus vicariis et capellanis parochialibus per decanatum de Brathing constitutis salutem Istud mandatum quod vobis mittimus inspiciendum secundum sui tenorem viriliter exequamini auctoritate domini officialis curie Cantuariensis loca omnia et singula per que dominum Eboracensem archiepiscopum in archidiaconatu Middlesex transire seu morari in eisdem contigerit ecclesiastico supponantur interdicto quamdiu eundem archiepiscopum Eboracensem crucem suam bajulantem morari contigerit in eisdem et nihilominus inhibeatur omnibus et singulis per archidiaconatum predictum constitutis sub eadem excommunicationis sententia qua omnes contravenientes innodantur ne qui cum eodem Eboracensi vel suis crucem suam bajulante per archidiaconatum predictum transeunte emendo seu panem seu vinum cervisiam carnes pisces fenum aut avenam eidem vendendo seu quocumque alio genere communionis communicare aut contra eundem pulsare aut etiam causa benedictionis ab eodem recipiende eidem Eboracensi occurrere presumant si qui autem contrariantes inventi fuerint post inhibitionem hujusmodi auctoritate predicti domini factam publice et sollemniter excommunicati esse denuntientur de die in diem quousque aliud a predicto officiali receptum fuerit in mandatis Publicentur ista sollemniter sine mora et prosperius in villis burgis inter London et Crucemroys recto intinere constitutis