Charter Document - 06480035
| Charter Number: | 06480035 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1279 |
| Date type: | Internal, Calendar, Episcopal |
| Resource Link(s): |
Borthwick Institute - Register 3 (f126v) |
Charter:
Excellentissimo et precordiali domino suo E[dwardus] Dei gratie regi Anglie domino Hybernie et duci Aquitanie suus devotissimus sacerdos W[illelmus] eadem gratia [] salutem et sollicitam responsionum instantiam Erga [Deum] preces amantissime dominationis vestre pro quodam Roberto de Lanon apud Cawode ij nonas Decembris recepimus continentes quod eidem R[oberto] pretextu nove creationis nostre assignaremus de camera nostra annuam pensionem donec sibi de ecclesiastico per nos beneficio sit provisum Domine confidentissime non displiceant si placet que vobis super hoc fiducialiter suggerimus sicut vester Quia siquidem profunde et firmiter insidet cordi nostro vos in vestris servitoribus pro exilibus viribus nostris honorare prefatam vestram instantiam ad precum vestrarum primitias pro domino A[ntonio] Beck sicut recolitis in quadam prebenda centum marcarum apud Rypon et etiam in honoratione domini J de Kirkeby in quadam prebenda in ecclesia Eboracensi obtenta vestri tanquam grati nuper prevenimus et gaudemus unde tantillam nostre gratitudinis inchoationem nobis si placuerit absque tediosa honoratione nostra in extraneos et incognitos allocetis Si enim vestre memorie premissa certius occurrissent pro dicto R[oberto] sic fortassis grato et benevolo presbytero vestro nullatenus sicut confidimus scripsissetis Et ecce ad vestra precepta et beneplacita quatenus sufficimus totus vester Conservet vos [] Data apud Cawode viij idus Decembris anno pontificatus nostri primo