Charter Document - 06480033
| Charter Number: | 06480033 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1276 |
| Date type: | Internal, Calendar, Episcopal |
| Resource Link(s): |
Borthwick Institute - Register 2 (f116v) |
Charter:
W[alterus] primas [] universis archidiaconis officialibus decanis aliisque ecclesiarum prelatis per Eboracensem dioecesim constitutis salutem gratiam et benedictionem Cum nobis constet evidenter predicationem et negotium crucis ministro Fratrum Minorum in regno Anglie a sede Apostolica esse commissum per se et suos fratres exequendum mandamus vobis in virtute obedientie firmiter injungentes quatenus eum a fratribus dicti ordinis requisiti fueritis super negotiis memoratis ob sedis Apostolice reverentiam et nostram singuli secundum proprii status officium ad promovendum hujusmodi negotium crucis consilium et auxilium eisdem impendatis optimum facientes clerum et populum ad eorum predicationem cum devotione convenire quotienscumque et ubicumque eis videbitur expedire Valete Data apud Cawod ij idus Julii pontificatus nostri anno nono