Charter Document - 06480029
| Charter Number: | 06480029 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Explanation |
| Date: | 1271 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f94r) |
Charter:
W[alterus] primas [] amicis suis carissimis R[icardus] de Midetun domini regis cancellario et aliis de ejusdem consilio in curia existentibus salutem cum dilectionis sincere semper affectu Quanta dispendia tedia et labores emerserint occasione contentionis inter dominum nostrum regem ei comitissam Flandre non solum in Anglia sed etiam in partibus transmarinis non sufficimus enarrare Scitis insuper quod dominus rex Francie mirabiliter commovetur pro eo quod preces sum in eodem negotio non sortiuntur effectum et in agendis domini nostri gratiam subtrahit et favorem Hujus autem rei solliciti contulimus cum domino Johanne de Castell presentium portitore qui nobis modum et formam diligenter exposuit per que credit et nos satis conjicimus quod dicta turbatio possit sedari si datus fuerit idoneus prosecutor cum literis regiis que secundum narrationem suam poterint pro [] spem et paratum se exhibet ad prosequendum negotium propriis impendiis dummodo caveatur sibi decenter quod expedito negotio sibi sicut promiserit satisfiat Quocirca vos requirimus quatenus dictum dominum J diligenter audire velitis ab si vos moveri contingat sicut et nos per ea que dixerit fortassis sibi literis sicut congruere videritis pro expeditione predicta destinetis eundem secundum conditiones pretactas sicut melius videritis faciendum Valete Data London nonas Januarii anno Domini MCCLXX primo