Charter Document - 06480024
| Charter Number: | 06480024 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1270 |
| Date type: | Assigned |
| Resource Link(s): |
Borthwick Institute - Register 2 (f103v) |
Charter:
G [] A et B salutem Frequentes clamores nostris auribus detulerunt quod ballivi et homines nobilis viri domini comitis Gloucestrie in personas ecclesiasticas et earum bona tam immobilia quam se moventia usurpantes districtum occasione sumpta ex canibus secundum consuetudinem ab antiquo obtentam minime mutilatis averia et bona alia earumdem contra libertatem ecclesie capiunt detinent et reddere contradicunt donec ad voluntatem eorum equitati et modestie inimicam pacem redemerint innocentes Quod conniventibus oculis dissimulare non possumus nec sine periculo tolerare cum in partem sollicitudinis vocati fuerimus ad defendendum hujusmodi libertates Quocirca discretioni vestre sub obedientie debito firmiter injungendo mandamus quatenus captores et detentores predictos legitime moneatis et quatenus in vobis est efficaciter inducatis quod capta restituant et ab hujusmodi presumptionibus omnino abstineant ac maleficium circa premissa commissum studeant emendare alioquin ipsos ad ea per censuram ecclesiasticam ratione previa exercendam in personas pariter et in loca districtius compellatis Quod si non ambo his exequendis inter fueritis unus vestrum ea nihilominus exequatur