Charter Document - 06480021
| Charter Number: | 06480021 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1270 |
| Date type: | Assigned |
| Resource Link(s): |
Borthwick Institute - Register 2 (f74v) |
Charter:
In nomine Domini Amen Cum jam sepius publice et solemniter promulgata fuerit sententia excommunicationis contra omnes illos qui pacem et tranquillitatem domini regis et regni et qui votum crucesignatorum et peregrinationem in subsidium Terre Sancta impedire vel turbare presumpserint et ratione quarumdam contentionum nuper exortorum inter nobiles viros dominos Edwardum domini regis primogenitum et Gilbertum comitem Gloucestrie predicti regni timeretur perturbatio et etiam dilatio peregrinationis predicte nos episcopi volentes tanto periculo precavere predictos nobiles adeo efficaciter induximus quod super hujusmodi contentionibus inter ipsos motis pro bono pacis arbitrio sive dicto illustris regis Allemannie se alte et basse juramento interposito submiserunt sicut in literis super hoc confectis plenius continetur Quapropter nos episcopi Cantuariensis provincie de consensu et voluntate venerabilis patris W Eboracensi archiepiscopi prout tenemur saluti animarum dictorum nobilium et tranquillitatem totius regni prospicere cupientes ipsos nobiles viros semel secundo et tertio monemus et exhortamur in Domino Christo ut predictum domini regis arbitrium sive dictum equitate subnixum ad pacis observationem salubriter promulgatum gratanter admittant sicut juraverunt et ipsum firmiter observent ut tenentur alioquin omnes illos qui contra hujusmodi dictum temere venire presumpserint et pacem et tranquillitatem regis et regni Anglie perturbaverint et qui auxilium consilium vel favorem ad hujusmodi perturbationem impenderint auctoritate Dei Patris Omnipotentis et Omnium Sanctorum excommunicamus in genere et excommunicatos publice nuntiamus donec ad emendationem condignam venerint sicut decet