Charter Document - 06480018

Charter Document - 06480018


Charter Number: 06480018
Cartulary Title: Historical papers and letters from the Northern Registers [York]
Charter Language: Latin
Charter Origin: Royal
Charter Type(s): Decree
Date: 1270
Date type: Internal, Calendar, Regnal
Resource Link(s): Borthwick Institute - Register 2 (f74r)

Charter:

H[enricus] Dei gratia [] priori Wygornensi salutem Cum nos et filii nostri cum ceteris regni nostri crucesignatis ad partes transmarinas in subsidium Terre Sancte profecturi et iter nostrum in crastino instantis festi Sancti Johannis Baptiste arreptura sumus et instante tam brevi termino passagii nostri necesse habeamus cum omni maturitate providere de pecunia et aliis ad hoc necessariis et etiam de pace et securitate regni nostri post recessum nostrum propter quod vobis nuper mandavimus quod ad nos [veneritis] in quin dena Pasche proximo preterita ad quem diem venerabilis pater W[alterus] Ebor archiepiscopus et episcopi et prelati regni nostri ad mandatum nostrum venerunt pro negotiis predictis et nos pro nostris et regni nostri negotiis arduis de quibus cum prefatis archiepiscopo et episcopis ac aliis prelatis et magnatibus ejusdem regni nostri tunc tractatum habuimus specialem de tractatu nobiscum habendo supersedimus ad presens propter quod vos a curia nostra sine colloquio nobiscum habito recessistis ac nos postmodum hujusmodi negotiis nostris arduis expeditis predictos archiepiscopum et episcopos rogavimus ut ipsi vicesimam bonorum et catellorum suorum et villanorum suorum nobis concederent in subsidium Terre predicte qui vicesimam illam nobis sui gratia liberaliter concesserunt Nos perpendentes quod passagium nostrum predictum si parlamentum vel tractatum aliquem vobiscum super hoc haberemus posset de facili impediri et attendentes quod ex quo episcopi predicti querelam Christiane gentis Terram Sanctam inhabitantis nobis delatam intuentes nobis curialitatem predictam concesserint ut predictum est vos qui precibus regiis hucusque amicabiliter annuitis vicesimam hujusmodi in subsidium Terre predicte velle nobis concedere liberaliter et benigne vos affectuose requirimus et rogamus quatenus predictam vicesimam bonorum vestrorum et villanorum vestrorum nobis pari curialitate concedentes taxatores et collectores nostros dicte vicesime bona vestra et villanorum vestrorum taxare et hujusmodi vicesimam colligere permittatis sicut vicesima alibi taxatur et colligitur in regno nostro Ita quod vicesimam vos et villanos vestros contingentem citra dictum tempus passagii nostri modis omnibus habeamus nobiscum deferendam ad predictam Terram Et hoc sicut nos et honorem nostrum et negotium crucis diligitis et sicut de vobis confidimus nullo modo omittatis Mandavimus enim collectoribus et taxat oribus nostris predictis quod bona vestra et villanorum vestrorum taxari et vicesimam inde levari et colligi faciant in forma sibi per nos tradita et injuncta Teste meipso apud Westmonasterium xij die Maii anno regni nostri liiij