Charter Document - 06480017
| Charter Number: | 06480017 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1270 |
| Date type: | Assigned |
| Resource Link(s): |
Borthwick Institute - Register 2 (f105r) |
Charter:
Quantumcumque gravati fuerimus his diebus cupientes tamen honestis desideriis domini regis et liberorum suorum pro viribus acquiescere ad tam pium propositum suum prosequendum nos episcopi qui presentes fuimus quantum in nobis est parati sumus eisdem gratanter subvenire de vicesima terrarum nostrarum et tenementorum feudalium que tenemus in dominico et etiam nativorum nostrorum seu rusticorum secundum taxationem per nos bona fide faciendam absque ulla taxatione per aliquem alium faciendam Ita quod hujusmodi subsidium assignetur domino regi vel primogenito suo qui primo in Terram Sanctam transfretaverit in subsidium ipsius terre et non ad aliud convertendum Et penes nos remaneat depositum quousque unus eorum iter arripuerit cum effectu Ita etiam quod nativi seu rustici nostri nullatenus onerentur ulterius in tallagio laicorum Et ne fiat nobis vel successoribus vel ecclesiis nostris impostorum prejudicium occasione hujus concessionis petimus literas domini regis super hoc patentes