Charter Document - 06480012

Ottobonus [] venerabilibus in Christo patribus Eboracensi archiepiscopo Dunolmensi et Carleolensi episcopis ac religiosis et discretis viris abbatibus prioribus et eorum conventibus Cisterciensis et aliorum ordinum tam exemptis quam non exemptis decanis quoque ac archidiaconis rectoribus vicariis et ceteris ecclesiarum prelatis per Eboracensem Dunolmensem et Carleolensem civitates et dioeceses constitutis salutem in salutis Auctore Nostri sollicitudo requirit officii ut quietem regno Anglie preparantes statum ipsius varia et verenda discordia lacrymabiliter deformatum per Ejus auxilium Quem auctorem pacis religio Christiana fatetur ad fedare pacis omni qua possumus vigilantia re formemus Nempe propter hoc ab Apostolica sede huc missi cognoscimur unde totaliter incitamur in hoc prosequimur firmum zelum quo nostra semper intentio jugit ad honores et commoda regni hujus Ad idem nos monet non tam securitas corporum sed et salus potius animarum Super hoc quoque attendimus et communia omnium et privata compendia singulorum per hoc et regie majestatis quod decor est regni ac speculum subjectorum et tutum ecclesie Anglicane provehimus fulcimentum Quid enim in terris amplius et placentibus exprimi poterit bono pacis Adeo enim dulcissimum est hoc bonum ut nemo tam efferus sit vel perditus seu remissus qui obtinere illud non appetat et non gaudeat de obtento Nec solum rationabiles creature sed etiam rationis carentes experientia et quecumque sunt naturabili ter pacem appetunt ac ipsius amant finibus confoveri Unde secundum quod perhibet Dionysii Magni auctoritas nihil existendum erit quod ab omni pacis deciderit penitus unitate Quod enim inquit omnino inquietum et illocatum est nec ens est nec in existentibus esse potest Nam sicut scribit Philosophus nec nature forent si non qualicumque pace substarent Pax inquam ut ait quidam Sapiens omni regno desiderabilis esse debet sub qua et populi recte proficiunt et utilitas gentium procuratur Hec enim inquit bonarum est artium pulchra mater hec genus mortalium reparabili successione multiplicans facultates protendit mores excolit et tantarum rerum ignarus agnoscitur qui eandem minime quesivisse sentitur Ob istas quidem et alias causas utiles et urgentes que nostre inspectioni sepius occurrerunt labores corporis graves crebro sub ivimus indicibiles mentis molestias passi sumus ac multis periculis postquam intravimus dictum regnum submisimus nos et nostros ut peste dissensionum per nostram operam Deo adjutore sedata eidem pacis accederet pulchritudo sed hoste humani fedaris operante in regno ipso ulterius seditionum piacula crevit livor generata sunt odia homicidia perpetrata illata quoque non modica damna ecclesiis ac personis ecclesiasticis et mundanis que nequeunt estimari et multiplicata sunt scelera infinita pro quorum immanitate tanto intrinsecus arctiores perferimus cruciatus quanto dissidia hujusmodi fore prospicimus graviora Sane dum apud London nuper quorumdam presumptio efferveret in excellentissimum principem regem suum ac dominum naturalem et bellica strages hinc inde hostiliter immineret ac mutue voluntatis undique pararentur ad cedes nos eo sollicitius laboravimus statum regni ejusdem ponere in tranquillo quo rem ad deteriora vergi conspeximus et vicinius anxios minarentur terrores horrenda discrimina imminentium preliorum Quapropter post varios et diversos vicissim habitos in hac parte tractatus tandem non sine multe difficultatis obstaculo nos civitatem London ingressi una cum aliis pontificibus et prelatis tunc presentibus inter alia quedam ardua paci necessaria et utilia expedita ibidem sollicite ordinavimus qualiter tam presentium quam preteritarum rebellionum et inimicitiarum tempestas regni prevalida sedaretur Ceterum ad id tunc viam sequi nequivimus aptiorem quam ut nobilibus exheredatis idoneas exponentibus cautiones quod juxta formam in dicto de Kenilleworthe per prelatos et proceres dicti regni communiter ordinato contentam statutas in eo redemptiones exsolvant terrarumque suarum restitutio eis fiat Verum quia iidem nobiles nequiverunt hoc facere vel promittere nisi eis subventio fieret aliunde nobis humiliter supplicarunt ut sibi misericorditer faceremus a clero regni auxilium in hac parte pro bono pacis conveniens exhiberi Nos siquidem licet inter alia que incumbunt in ecclesiis Anglicanis gravamina ab hujus adjectione oneris gravaremur nobiscum tamen et dictis pontificibus et prelatis censentes consultius anteferri minora damna majoribus et secundum sanctorum Patrum doctrinam que minori nexu tenentur super hoc salubriter eligentes sub certa forma honesta et congrua toti clero providimus dictis nobilibus ac ecclesiis et personis ecclesiasticis certum fore subsidium impendendum proviso tamen quod nullo ecclesiarum et cleri presidio gaudeant nisi prius in regno tranquillitas affecta succedat unde majores ipsorum nobilium cum eorum sequacibus ea vice mandata domini regis et nostra sub spe ipsius subsidii presentialiter juraverunt quod quidam in brevi facient et ipsorum complices qui morantur in insula Elyensi et ita favente Deo cepit esse tempus pacificum quod enormiter hactenus noscitur exstasse turbatum Ideoque universitatem vestram monemus ac rogamus in Domino et hortamur attente vobis in remissionem peccaminum auctoritate qua fungimur injungentes quatenus dirigatis ut convenit studiosum vestre considerationis intuitum ad premissa pensantes quanti muneris vitam habere pacificam et vitare molestam nihilominus attendentes quod vobismet ipsis prudenter partitis si libenter predictis nobilibus pro communi nostro et omnium regnicolarum commodo subveniatis in quo accendi privatum non potest incommodum quod favore agitur et jam singulorum nec pretendatis id ipsum hostibus fieri qui ad ecclesie pacem et regiam sunt reversi Exsurgat vestra in Christo sinceritas et provisa tam grate pacis primordia non recuset quinimmo qualitas vestra letetur ac velit hoc sponte nunc peragi quod re ipsa meretur et absque instantia hortatoris impendi Accedat itaque tam hilariter quam libenter vestra devotio ad consensum subsidii quod prosequimur ut quo nobis gratantius super hec acquiescitis eo vestris affectibus alias promptius condescendere debeamus Nos enim omnibus quorum in hac parte patuerit promptitudo intendimus esse benevoli et pro loco et tempore gratiosi Postremo quicquid exinde faciendum duxeritis tam celeriter quam fideliter nobis per vestras patentes literas intimetis Data London nonas Julii pontificatus domini Clementis pape Quarti anno tertio