Charter Document - 06480009
| Charter Number: | 06480009 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1268 |
| Date type: | Internal, Calendar, Regnal |
| Resource Link(s): |
Borthwick Institute - Register 2 (f51r) |
Charter:
Cum Fulco filius Warini de comitatu Sallup et Robertus de Pendok de comitatu Wigornie secundum formam in eorum literis contentam quod Henricus de Penebrige junior de comitatu Hereforthie amodo ad pacem et fidem nostram et heredum nostrorum bene et fideliter se habebit et quod stabit dicto de Kenillewyrth et quod nulli de fidelibus nostris occasione alicujus inimicitie prius habite de cetero damnum inferet aut gravamen eundem Henricum ad pacem et gratiam nostram admisimus et ei remisimus omnem indignationem et animi rancorem quos erga ipsum conceperamus occasione transgressionum quas contra nos fecisse dicebatur tempore turbationis habite in regno nostro Per donavimus etiam eidem Henrico pro nobis et heredibus nostris quantum ad nos pertinet omnes transgressiones et excessus per ipsum factos tempore turbationis predicte usque ad festum Assumptionis Beate Marie proximo preteritum Ita tamen quod erga nos et heredes nostros ac alios fideles nostros bene et fideliter se habeat in futurum et quod stet dicto predicto sicut predictum est Et ad pleniorem observationem premissorum idem manucaptus et manucaptores sui predicti subeant coercionem et districtionem ecclesie Romane et prelatorum regni Anglie quos nos vel heredes nostri ad hoc duxerimus eligendos In cujus rei [] Teste rege apud Westmonasterium xxj die Januarii anno [] quinquagesimo secundo