Charter Document - 06480004
| Charter Number: | 06480004 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1268 |
| Date type: | Internal, Calendar, Papal |
| Resource Link(s): |
Borthwick Institute - Register 2 (f57r) |
Charter:
Ottobonus miseratione Divina [] venerabili patri archiepiscopo Eboracensi [] et discreto viro magistro S[tephanus] archidiacono Cantuariensi ad dispensandum decimam illustri regi Anglie concessam a sede Apostolica deputatis salutem in salutis Auctore Cum dominus rex Anglie illustris suas nobis patentes literas destinavit continentes quod cum teneatur magnifico principi et fratri suo domino R[icardo] regi Alemannie in duobus millibus marcarum vult et nos rogat quod de decima sibi concessa quam citius ad hoc se facultas obtulerit faciamus quod habeat hujusmodi pecunie quantitatem discretioni vestre mandamus consentimus et volumus quatenus quamprimum magistro Sinicio camere domini pape clerico de arreragiis census debiti ab ipso rege Anglie domino pape et ecclesie Romane fuerit integre facta solutio predicto domino regi Alemannie dicta duo millia marcarum de pecunia dicte decime juxta ejusdem domini regis literarum continentiam persolvatis de quantitate quam solveritis patentes literas recepturi Data London viij idus Februarii pontificatus domini Clementis pape Quarti anno tertio