Charter Document - 06480001
| Charter Number: | 06480001 |
|---|---|
| Cartulary Title: | Historical papers and letters from the Northern Registers [York] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1265 |
| Date type: | Internal, Calendar, Regnal |
| Resource Link(s): |
Borthwick Institute - Register 2 (f76v) |
Charter:
Henricus Dei gratia [] omnibus ad quos presentes litere pervenerint salutem Cum commiserimus venerabili patri W Bathoniensi et Wellensi episcopo castrum nostrum Oxonie cum pertinentiis custodiendum quamdiu nobis placuerit et oporteat ipsum episcopum occasione turbationis habite in regno nostro munire castrum predictum victualibus prout expedire viderit et poterit competenter nos eidem episcopo promittimus et concedimus quod omnes exitus et proventus provenientes de exitibus dicti castri molendinorum et prati ejusdem castri recipiet ad munitionem ejusdem castri inde faciendam et rationabile custum quod in predictis victualibus providendis per visum et testimonium legalium hominum apposuerit sibi vel ejus assignatis al locari faciemus Ita quidem quod predicta victualia nobis integre remaneant ad commodum nostrum inde faciendum nisi ea occasione turbationis predicte in munitione ejusdem castri expendi contigerit Ita etiam quod de missis predictis quas in munitione castri predicti modo predicto poni contigerit nobis respondeat per rationabilem computationem prout de jure fuerit faciendum In cujus rei testimonium has literas nostras fieri fecimus patentes Teste meipso apud Wynton xxj die Septembris anno regni nostri xlix