Charter Document - 06470200
| Charter Number: | 06470200 |
|---|---|
| Cartulary Title: | The Cartulary of Huntingdon Priory |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1126 - 1130 |
| Date type: | Assigned |
| Resource Link(s): |
|
Charter:
Henricus rex Anglie episcopo Lincolniensi comiti Huntedonie et Willielmo de Lovetot et justiciariis et baronibus et vicecomitibus et ministris suis et omnibus de quibus canonici tenent salutem Sciatis me concessisse et presenti carti confirmasse ecclesie sancte Marie de Huntendone et canonicis ibidem Deo servientibus omnes possessiones suas tam in ecclesiis quam in terris et decimis et nominatim duas hidas in quibus ipsa ecclesia sita est liberas et quietas ab omni seculari exactione et omnes ecclesias suas et terras infra burgum de Huntedon et extra et feodum unius militis in Gidoinga et Lullintona sicut Ingelrannus de Auco illud tenuit et canonicis dedit Et unam hydam in Westone et unam hydam in Croxton et in Stivecle virgatam Gunnilde et ecclesiam ejusdem ville cum suis pertinentiis Et ecclesiam de Suthewic cum suis pertinentiis Et in Stoke lx solid terre cum eisdem libertatibus cum quibus Matilda regina eam eis dedit et carte sua confirmavit Et in Dena terram quam Willielmus Meschin eis dedit liberam et quietam ab omni seculari exactione Et ecclesiam S Trinitatis de Scipeton cum omnibus sibi pertinentibus sicut idem Willielmus eam eis dedit et confirmavit Et capellam castelli de Huntedon cum pertinentiis suis et scolam ejusdem ville ita ut nullus aliquam infra Huntendonscira absque illorum licentia teneat Quare volo [] Teste Willielmo Cantuarie archiepiscopo David rege Scotie et pluribus aliis