Charter Document - 06464067
| Charter Number: | 06464067 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1300 |
| Date type: | Internal, A.D., Calendar, Episcopal |
| Resource Link(s): |
|
Charter:
Antonius permissione divina Dunelmensis episcopus dilectis in Christo filiis priori et conventui ecclesie Dunelmensis salutem graciam et benediccionem Quia in crastino ascensionis dominice proximo futuro intendimus annuente domino ad ecclesiam nostram antedictam accedere officium visitacionis tam in capite quam in membris in personis et rebus prout ius exigit et nobis incumbit ex officio diligenter inpensuri volentes [vos] super hoc ut decet legitime premuniri vobis omnibus et singulis in virtute obediencie firmiter iniungendo mandamus quatinus dicto die hora competenti cum continuacione et prorogacione dierum ut opus fuerit in capitulo ecclesie supradicte nobis in forma debita occurratis et huiusmodi visitacioni nostre una nobiscum intersitis ipsam visitacionem nostram in hiis que statum vestrum et ecclesie predicte contingunt ibidem subire in forma canonica tunc parati [et] actualiter suscepturi ulteriusque facturi et recepturi quod canonicum et iustum fuerit ac utilitati eiusdem ecclesie et regulari conveniens videbitur discipline de die vero recepcionis presencium nos absque morose tarditatis dispendio certificetis per litteras vestras patentes harum seriem continentes Dat apud Derlington x kalend Maii anno domini Millesimo tricentesimo et consecracionis nostre xvii