Charter Document - 06461073

In nomine domini amen In vestra presencia reverende pater domine Antonie Dunelmensis episcopo constitutus ego frater Ricardus de Hottone quondam prior Dunelmensis non vi vel metu inductus sed libera et spontanea voluntate liberisque potitus habenis renuncio in hiis scriptis pure sponte simpliciter et absolute omni iuri et iuris possessioni vel quasi si quod vel que mihi competunt aut competere poterunt quomodo libet in prioratu predicte ecclesie Dunelmensis omnibus eciam et singulis provocacionibus et appellacionibus earumque prosecucionibus processibus execucionibus et literis quibuscumque ac eciam beneficio que nomine meo et sub nomine prioris et conventus Dunelmensis dum dicti prioratus fungebat officio et post a venerabili patre domino Antonio dei gracia Dunelmensi episcopo ad sedem apostolicam et Eboracensem directe vel tutorie interposite facte et eciam impetrate fuerint aut contigerint impetrari occasione visitacionis eiusdem patris et modi visitandi ac alia occasione quacumque et quicquid ad prosecucionem promocionem vel impetracionem fratris Roberti de Routhbery Galfridi de Burdon et Johannis de Appelby ac eciam magistri Alesandri de Ponsonby aut aliorum quorumcumque asserencium se procuratores prioris et conventus Dunelmensis dum fungebat prioratus officio et post in Romana curia vel eciam Eboracensi aut alia quacumque seu quavis alia occasione factum executum vel ali qualiter fuerit attemptatum necnon mandata procuratoria dictis Roberto Galfrido Johanni et Alexandro nomine meo et sub nomine prioris et conventus ad causas seu negocia sub quacumque forma verborum concessa vel data revoco et revocata seu nulla pocius et irrita esse volo In quorum omnium testimonium sigillum venerabilis patris domini Hugonis dei gracia Bibliensis episcopi ac reverendi viri magistri Willelmi de sancto Botulpho archidiaconi Dunelmensis una cum sigillo meo appendi presentibus procuravi Hiis testibus fratre Reginaldo de Barnebui Willelmo de Gyseburne Roberto de Stamford monachis Dunelmensibus dominis Radulpho de Hengham Willelmo de Brumeton magistris Roberto de Albewyk decano de Aukland Adam de Driffeld rectore ecclesie de Gyseburne domino Thoma de Leuesham dominis Gerardo de Aldenardo Jacobo de Essendam capellanis ac eciam aliis clericis et laycis in multitudine numerosa Dat apud Aukland die sancti Michaelis anno domini Millesimo CCC