Charter Document - 06461072
| Charter Number: | 06461072 |
|---|---|
| Cartulary Title: | The Records of Antony Bek. Bishop and Patriarch 1283-1311 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1300 |
| Date type: | Assigned |
| Resource Link(s): |
Durham Cathedral Archive - Register III (f85r) |
Charter:
In dei nomine amen Cum ad nos Antonium permissione divina Dunelmensem episcopum de priore in prioratu ecclesie nostre Dunelmensis vacante hac vice pertineat exigente iusticia providere attendentes quod frater Henricus de Luceby monachus eiusdem ecclesie nunc prior de Insula sacra vita sciencia et moribus merito commendandus in regulari disciplina laudabiliter est instructus et ad regimen conventus et capituli ecclesie nostre predicte potens et utilis necnon in spiritualibus et temporalibus comprobatur providus et circumspectus cuius eciam consilio ecclesia nostra dirigi poterit in dubiis et ipsius auxilio fulciri multipliciter in adversis de eodem fratre Henrico de quo Henrico plenam in domino fiduciam optinemus dicta prioratui ecclesie nostre providemus ac ipsum proficimus in priorem curam regimen et administracionem dicti prioratus tam in spiritualibus quam in temporalibus sibi plenaria concedentes ac eciam committentes decernentes provisionem profectionem cure regiminis et administracionis concessionem et commissionem fore execucioni debite de mandandas Dictus quoque pater Dunelmensis episcopus potestatem ac eciam facultatem ammovendi quos viderit ammovendos de promotis ad officia seu administraciones per se aut vice et auctoritate sua et alias loco eorum subrogandi locis et temporibus oportunis sibi specialiter reservavit Facte lecte et recitate fuerunt supradicte provisio profeccio cure regiminis et administracionis concessio et commissio ac reservacio in capella in manerio dicti patris apud Aukland anno indiccione die et mense supradictis presentibus discretis viris magistris Willelmo de sancto Botulpho archidiacono Dunelmensi Reginaldo de Brandon canonico ecclesie sancti Pauli London Roberto de Abberwyk decano de Aukland domino Willelmo de Bliburgh canonico Aukland Willelmo de Insula custode hospitalis de Shirburn magistris Philippe Martel Willelmo de Fotheringhay advocatis Ricardo de Ganio notario publico et aliis testibus in multitudine numerosa